拜年總畀親戚催婚!容祖兒教你一句KO對方!

新年期間,少不免會跟住父母,到親戚朋友屋作客、拜年,大家最常掛喺嘴邊嘅嗰幾句說話,最令人聞風喪膽嘅莫過於,“有對象未呀?幾時結婚?”

38歲天后容祖兒,喺新年期間,都少不免會畀姨媽姑姐“關心”感情事。佢喺訪問中透露,自己曾經被問到話,好姊妹阿嬌都結婚喇,幾時輪到容祖兒呀?

容祖兒就淡定回對方一句,“我啱啱分手,結咩婚呀?”講到咁,親戚都唔好意思再追問落去,即刻KO對方。

事實上,容祖兒喺前排先啱啱松口承認,自己同前男友劉浩龍已經散咗好一段時間,宜家處于單身狀態。奉勸各位親戚朋友,喺“關心”大家嘅同時,最好都先提前了解一下對方嘅近況,費事遇到尷尬狀況!

而年三十,容祖兒同陳偉霆(William)齊齊為“央視春晚”演出,今次祖兒更加系連續第七年出席。當晩身穿紅色毛毛大褸嘅祖兒夠應節,節目上佢同林志炫、沙寶亮同涵子一齊演唱歌曲《媽,我回來啦》,并由祖兒打頭陣。

系人都知道祖兒同媽咪感情好好,所以佢亦唱得特別投入,祖兒說:”今年系連續第七年參與‘央視春晚’,真系好榮幸好彩開心。每年年三十晚參與呢個晚會演出之后,真系有快啲翻屋企見媽咪、一齊過節嗰種感覺,所以唱得特別有感覺。”

 

Like MisshkNews Facebook!不出门也能知天下事~

發佈回覆

你的電郵地址並不會被公開。