揚言要進軍女神界!28歲TVB力捧港姐:要積極啲搵對象

日前,TVB力捧港姐麥明詩喺社交網站興奮發文,透露與自己同屆嘅港姐好姊妹羅丹虹,呢排畀男友求婚,聽講當時準新娘羅丹虹面對男友求婚顯得好驚喜,男方單膝頭跪送戒指嘅時候,羅丹虹更加系感動到落淚,真系恭喜恭喜!

二人更已經成功訂婚!作為牽線紅娘嘅麥明詩,當然系相當激動啦!佢用鏡頭紀錄一對新人幸福嘅瞬間,并感慨留言道:“恭喜羅丹虹同Ann,作為媒人之一,見到你哋三年感情喺白色情人節嘅晚上修成正果,深感欣慰!」

麥明詩又透露,大爆好姊妹畀求婚嘅細節,佢指男方為咗畀羅丹虹一個浪漫難忘嘅求婚,花咗好多心思去提前布置同策劃,男方事先“串通”一大班好友同事到場匿埋,為準新娘子制造驚喜。據悉,羅丹虹嘅未婚夫家底相當深厚,系經營飲食生意同做投資。

好朋友終身大事已定,麥詩明尋日出席活動時都興奮提起,并揚言表示自己都要積極一啲,佢笑謂:“羅丹虹話會安排約會,介紹對象畀我,所以我而家都keep fit,希望向女神界邁進!(擇偶條件?)要聰明能幹,最重要比前男友靚仔。”

現年28歲嘅麥詩明,系2015年嘅香港小姐競選冠軍,出道4年以嚟,坊間對麥明詩聲音不一,有網民認為佢系智慧超群嘅港姐冠軍代表,亦有網民認為麥明詩始終作為新人,喺演技上有進步嘅空間。但喺misshk認為,佢確實系名副其實嘅學霸、高材生,都好有自己嘅諗法同目標。

早年畢業于劍橋大學法律系嘅麥明詩,就算參選港姐晉身娛樂圈發展,同時亦都唔放棄學業,繼續努力考取咗美國律師執業嘅牌照。較早前,麥明詩曾經喺采訪表示,之所以繼續努力考取律師牌照,系想畀自己多一個保障同埋發展嘅選擇,言語間可以感受到,麥明詩系一個好自主獨立嘅女性。

佢話:「其實我覺得女仔都要增值自己,同為自己將來打算,所以就想攞一個牌照,畀自己有一個好大嘅保障。如果喺中國香港攞到牌照,就要多讀一年書同全職實習兩年,而家我無時間付出呢個時間,所以就要揀考取美國呢個牌照。」

麥明詩入行以嚟,其實都參演咗唔少劇集,比如《賭俠群英會》、《使徒行者2》、《是咁的,法官閣下》、《誇時代》等。

當然作為新人可以繼續努力提示自己嘅實力,正所謂士別三日當刮目相待,都相信累積足夠經驗后,可以為觀眾呈現更完美嘅自己。期待麥明詩繼續拍劇,為觀眾帶嚟更多精彩嘅作品!

發表回覆

你的電郵地址並不會被公開。 必要欄位標記為 *