新一年將愛情事業雙豐收？TVB上位小花獲指點：最好有三個男朋友

將喺今月6號生日，傅嘉莉就出席咗“一月星辰活動”，咁喺活動上，傅嘉莉就透露自己生日當日仍然要趕通告，預計系工作中度過喇。而啱啱先拍攝完新春賀年節目嘅佢，就獲得咗堪輿學家李居明嘅贈言做生日禮物。

傅嘉莉就話：“佢（李居明師傅）話我豬年有貴人，要好好珍惜，有長輩指點可以聽，又話我今年旺木，凡系做頭飾同頭發生意會好旺，我有一個頭飾品牌，跟住會同一間公司合作，希望演藝事業同生意雙豐收。”

其實傅嘉莉上年都憑借《特技人》中飾演嘅美貌演員“秦臻”一角而大獲好評，兼夾獲得咗“視后”嘅提名，呢對于佢嚟講，無疑系一個有力嘅肯定同認可。

而傅嘉莉喺接受訪問中就表示，因為近年嚟自己有唔少嘅負聞，同劇中嘅角色有啲似，都算系真情流露，不過點都好，演技進步咗唔少，希望佢可以再接再厲，繼續畀我哋帶嚟多啲精彩作品喇～

雖然拍攝完《特技人》之后有傳佢同劇中拍檔關楚耀戲假情真，不過好快兩個人就出面澄清否認，而關楚耀都畀爆出搭上咗空姐女友，感情已有著落。但系感情一直處于空窗期嘅傅嘉莉到而家依舊單身。

咁風水佬李居明，就表示佢今年事業生意都有唔錯嘅發展，至於桃花方面，傅嘉莉就笑言師傅指點佢要著多紅色，而且有男友后事業先會更加好。

佢話：“師傅仲講最好有三個男朋友，我問佢劇中可唔可以，因為我之前拍嗰套劇《包青天之再起風云》入面有多過三個人鐘意自己。而喺新劇《極道怪咖》中就繼續仰慕王浩信，我哋好耐之前做過《愛我請留言》，當時又仰慕佢。”

傅嘉莉繼續講：“不過新劇就系同許家杰會有感情線，呢部劇開工第二日就已經同佢有吻戲嘞，大家都仲未熟悉就要拍親熱戲會有難度，希望一切順利。” 新一年新開始，希望傅嘉莉可以繼續加油，期待佢喺《極道怪咖》中嘅精彩演出，亦都祝福佢早日覓得如意郎君，如佢所言，一切順利。