新戀情?TVB第一位連莊視后自爆叔婆追問同「邊個」嘅關係

前日嘅情人節相信大家都各自有節目啦,不過藝人鄧萃雯就選擇喺情人節當日去醫院探叔婆,可謂系孝心十足。然而唔少得嘅就系談及拍拖嘅話題啦,“挑通眼眉”嘅叔婆都趁此好機會追問雯女同“邊個”發展點啊?唔通又有戀情曝光?

然而,鄧萃雯則無奈笑話:“次次我都會回應‘噉你要長命百歲,你要為自己禱告長命啲健康啲,都要為我禱告快啲啦!’有時會諗,我喺冇情人嘅日子都咁開心過得咁充實,有咗情人會唔會幸福過頭呢?”

佢仲繼續勉勵各大優質女士話:”唔好灰心,各位剩女們,其實我都一樣有畀催婚,只系嗰個唔系我媽媽…自己做個‘有情人’,實際過去等個有情人,要叔婆等到過百歲就唔系好意思啦!”

然而,相信眼利嘅觀眾都會發現,到而家為止,鄧萃雯仲未有向大家公布,究竟“邊個”系邊個呢?不愧系演藝圈前輩,對于“核心”問題,都系好擅長“兜圈圈”,唔知大家認為呢?

直到網民一再追問究竟叔婆指嘅“邊個”系邊個時?鄧萃雯都終于回復網民話:“關心‘邊個’嘅朋友,多謝你地嘅好奇心,做情人容易多了都不易遇到有趣的男士,更何況全天候頂得住的老公呢!感恩叔婆嘅身體今朝好轉,想必系耶穌聽禱告同時,佢要望住我出嫁啦!”

冇否認都無承認,不過鄧萃雯都開聲講明“等住睇佢出嫁”,相信當中都有唔少故仔嘞,唔理點,我哋仲系靜待,畀啲空間佢哋發展。期待鄧萃雯可以早日宣布好消息!

1966年生嘅鄧萃雯,喺中學畢業之后就喺1984年嘅時候進入咗TVB藝員訓練班第二期,而同期嘅同學,就有邵美琪、郭富城、陳庭威等。因為表現出色,喺參演嘅首部電視劇《薛仁貴東征》中就擔任第一女主角,而劇集自播出后大受歡迎,鄧萃雯都憑借該劇而人氣急升,紅極一時。

期間,佢都曾經參演過唔少嘅經典劇集,譬如《萬家傳說》、《壹號皇庭4》、《娛樂反鬥星》、《禦用閑人》、《師奶兵團》、《歲月風雲》、《尖子攻略》、《巾幗梟雄》、《金枝欲孽》等。

鄧萃雯仲憑借出色嘅演技,喺2009年同2010年時連續兩年奪得咗TVB《萬千星輝頒獎典禮》嘅“最佳女主角”,都因此成為咗史上第一位連莊視后,風頭一時無兩。不過喺2012年嘅時候,佢就選擇離巢,結束咗多年賓主關系。

唔理點,希望鄧萃雯可以覓得愛侶,可以相守一生,早日傳出好消息,祝福祝福!

發表回覆

你的電郵地址並不會被公開。 必要欄位標記為 *