新晉港姐冠軍爹哋現身,似男友多過爹哋

《香港小姐2020》三甲誕生,嚟自蘇格蘭嘅25歲混血佳麗謝嘉怡一句「爹哋想我嚟選港姐,所以我嚟咗」而攪到全場爆笑,最后佢成功圓父夢登上港姐冠軍寶座。

謝嘉怡喺才藝表演獻唱《上海灘》令全場相當驚喜,粵語唔標準嘅佢依然選擇廣東歌勇氣可嘉,據悉佢當初都有揀跳舞,但喺練習嘅時候不慎受傷,最后不得不唱歌,而且老竇連日為佢練習唱歌,努力學習廣東話。

謝嘉怡當選港姐之后,畀主持問到最想做啲乜,天真爛漫嘅佢表示好想食排骨飯、叉燒飯,因為參選嗰陣要喼弗,飲食好節制。

謝嘉怡率真表示當選港姐之后最想食排骨飯,TVB全程直擊謝嘉怡攞獎之后同屋企人慶祝過程,同時令謝嘉怡爹哋曝光,網民驚訝似男友多過爹哋。

謝嘉怡爹哋為咗支持愛女,特登從蘇格蘭飛來香港并接受14日隔離,出關第一件事見個女,父女重逢零舍開心,謝嘉怡爹哋唔單止年青,打扮更相當潮,佢右手臂更有紋身。

而一直話想食排骨飯嘅謝嘉怡亦終於美夢成真,佢一邊食住主持為佢預備嘅排骨飯,一邊笑得見牙唔見眼,相當可愛。

唔理點樣,都係希望謝嘉怡喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。