新血加入「是非精」貼地港姐大踢爆:佢好粗魯

TVB嘅節目《學是學非》就由一眾“是非精”主持,個個古靈精怪形象好入屋,而今日“是非精”們梁嘉琪、麥美恩、馮盈盈、鄺潔楹以及舊年港姐何依婷就喺電視城開拍新一集嘅《學是學非》。

咁相信大家都發現,喺原來嘅“是非精”陣容上,加上咗新血何依婷,而新加入嘅何依婷都接受咗交棒儀式,正式成為“是非精”,而鄺潔楹就笑說:「之后就到你畀人蝦啦。」

“貼地港姐”馮盈盈音量大就系系人都知道嘅事啦,問答今次新合作嘅何依婷系咪需要戴耳塞適應開工,佢連隨笑話:“唔使,一齊開工好開心,我已經努力令自己仲嘈,佢哋激發咗我嘅潛能。”而馮盈盈都加把口表示:”佢為咗融入我哋,已經令到自己好粗魯。”

咁講到馮盈盈,1994年生嘅,佢參加2016年香港小姐,勇奪冠軍寶座,選美結束之后,備受TVB重用嘅佢,正式參演首部劇集《果欄中的江湖大嫂》就已經擔任主要角色,其中佢嘅喊戲更加系獲得觀眾嘅唔少好評。

除此之外,佢仲擔任《#后生仔傾下偈》嘅主持之一,兼夾喺TVB多個重大盛典活動中均擔任司儀,譬如《2017年度勁歌金曲頒獎典禮》、《2018年度香港小姐競選》、《萬千星輝賀臺慶》等。

而喺今年嘅《萬千星輝頒獎典禮2018》上,馮盈盈都獲得咗“飛躍進步女藝員”,獲得該獎嘅時候,馮盈盈打死唔信而眼都大埋,佢喺臺上就表示自己并未合格,仍有好多嘅進步空間,未來都會繼續努力做好演出。

不過事后,就有報道指佢系以TVB續約換獎,對此,馮盈盈就話:“有睇報道,但系覺得幾好笑,其實我年頭就已經續咗約,唔系頒獎前先續,如果我知有獎就唔會喺臺上唔知要講乜,續嘅正常條款,個個藝人都大約系呢個年期。”

希望馮盈盈可以再接再厲,繼續畀我哋帶嚟多啲更精彩演出,期待!

Like MisshkNews Facebook!不出门也能知天下事~

發佈回覆

你的電郵地址並不會被公開。