新開始!TVB小生宣布「離巢」:離開是為了走更遠的路

近年嚟,TVB嘅藝人流失得好嚴重,而日前藝人楊潮凱就喺社交平臺發文表示將會有「新開始」,宣布準備同TVB嘅經理人合約正式結束。

佢留言:「從今日開始,我同TVB嘅經理人合約正式結束。但請大家放心,我仍然系TVB藝員,會繼續演出TVB嘅劇集同綜藝節目,只系改變合作方式,話曬喺少林寺都修煉咗一段時間,系時候落山闖蕩江湖,見一見外面嘅世界!」

所謂「天下無不散之筵席」,況且楊潮凱并非系離巢,當然咁多年嚟楊潮凱都獲得公司嘅照顧,佢都直言感激經理人對佢嘅指導,讓佢畢生受落。

佢仲寫道:「我哋江湖再見,期待新轉變,新挑戰!期待與多啲唔同嘅單位同制作人合作,嘗試唔同方面演出,可以喺更大舞臺同大家見面,希望大家繼續支持我!P.S.工作方面可以直接聯絡我。新開始,重新出發,初心不變,我系演員。」

1984年出世嘅楊潮凱,喺香港城市大學創意媒體學院修讀學士學位,自細對演藝工作有興趣嘅佢,喺大學期間,就試過自編自導自演,兼夾仲喺《第三屆臺灣金蔗影展》獲得咗「最佳男主角」。

后來喺機緣巧合下,楊潮凱喺2009年嘅時候加入到TVB,透過參加第23期藝員訓練班而獲得監制同導演賞識,憑借精湛嘅演技而開始嶄露頭角,備受關心。

期間佢曾經參與拍攝過唔少嘅電視作品,例如《誰家灶頭無煙火》、《點解阿sir系阿sir》、《怒火街頭2》、《沖上云霄2》、《神槍狙擊》、《守業者》、《再戰明天》、《純熟意外》、《與諜同謀》、《鐵探》等。

據悉,喺跟住落嚟嘅新劇《機動部隊2019》同《法證先鋒4》中楊潮凱同樣有份演出,唔知到時佢又會畀我哋帶嚟點精彩噶演出呢?大家不妨一齊拭目以待!

Like MisshkNews Facebook!不出门也能知天下事~

發佈回覆

你的電郵地址並不會被公開。