易發生師生戀?38歲前港姐坦言想嫁獲高人指點迷津

最近,前TVB藝人朱慧敏獲玄學大師李居明嘅邀請,為風水命理節目擔任嘉賓主持人。唔講唔知,原來朱慧敏素來對玄學方面都好有興趣,今次有機會同著名大師李居明合作,梗系要好好把握向大師討教多啲玄學知識。朱慧敏笑謂,希望可以得到師父開金口為自己指點迷津:「哈哈,好畀我喺豬年發展更順暢,我對呢輯節目破天荒喺全球播出覺得開心,因為內地至少有幾億人可以收看到呢個節目,真系好開心。」

現年已經38歲朱慧敏,自從2004年參選港姐競選獲得亞軍之后,就正式投身娛樂圈發展。到而家15年時間,演藝事業雖然未見大突破,但憑住早年系無線多部劇集中亮相,形象入屋,喺香港娛樂圈,亦擁有一定嘅知名度。

2004年香港小姐冠軍徐子珊 亚军-1号朱慧敏 季军-12号符思思

不過,佢感情生活就冇咁平坦,令佢至今年近40仍然處于單身,但雖咁,每個女人都希望有有個歸宿,朱慧敏亦坦言,仍然期待自己可以嫁得出!

她笑謂,自己獲師父指點咗三招催旺人緣桃花運,希望喺豬年可以脫單,早日覓得如意郎君:「第一招系養貓,話可以加旺桃花,第二就系買水晶燈,仲要入面必須有蠟燭圖案,喺床頭點四支蠟燭香薰,可以催旺愛情。第三招就系等。

師父話畀我聽講,要等到2022年,即系三年后我真命天子先會出現,所以喺呢之前要繼續獨守空房,最好著多啲紅衫,幫助旺我本身嘅桃花運。」

李居明師父又指出,朱慧敏嘅桃花星喺丁巳,意味住無論朱慧敏學咩,都容易同進修嘅導師發生感情,系師生戀體質嘅意思?朱慧敏笑言,師父仲再三叮囑自己要喺呢方面多加注意!

據悉,朱慧敏自細系同外婆生活成長,事關喺佢兩歲時,父母因為感情不和而離婚,所以佢自細就特別依賴外婆,與外婆嘅感情都相當之好。

直到中學畢業之后,朱慧敏就只身遠赴美國華盛頓留學,喺讀大學四年期間,朱慧敏半工半讀,主修新聞系,畢業之后返香港更曾經獲機會喺亞視新聞部實習。

直到2004年佢參選港姐奪得亞軍,之后先簽約喺TVB旗下發展,并開始接拍電視劇。

朱慧敏經常喺劇集中演小三、急功近利,或者系為求上位不擇手段之類嘅角色,大多數劇迷對佢呢方面嘅反派螢幕形象都印象深刻,比如佢喺《刑事情報科》飾演嘅情婦、喺《古靈精探》度扮演為求獲得獨市新聞而勾引馬國明嘅卓琪等。基本上,喺無線多年,朱慧敏嘅角色畀定型于此。

2015年,朱慧敏開始轉戰內地發展,并接拍內地電視劇《暖男記》,喺劇中佢演律師角色,不過其實當時佢仲未離開TVB。直到2016年5月,朱慧敏先正式約滿無線,并宣布不再續約離巢外闖,將工重心轉移到內地市場。

發表回覆

你的電郵地址並不會被公開。 必要欄位標記為 *