昔日「亞視童星」大個仔啦,而家31歲…

唔同年代都有童星出道,要講90年代嘅童星,相信喺亞視經典劇集《我和僵尸有個約會》系列中飾演況復生嘅張國權,令唔少觀眾留下深刻印象。

長大之后嘅張國權,雖然佢離開咗娛樂圈,但佢喺自己嘅領域上,展開人生新一頁,繼續發光發亮。

曾經係亞視御用童星嘅張國權,今年已經31歲,宜家係名店嘅銷售員,6年前結婚娶妻,唔少人都會猜測,係咪奉子成婚?

張國權表示唔係,佢到而家仲未想做老竇,佢坦言享受同太太過二人世界,佢話∶「我哋都算早婚,好多人都問我,咁早結婚,會唔會未玩夠呀?我就冇后悔過,而且同太太相處得好好。」

講到張國權,其實佢大概6、7歲開始做童星,直到《我和僵屍有個約會》嘅第三輯時,佢已經15歲,開始步入青春期,佢話∶「十五六歲係尷尬年齡,所以之后就冇做。」

記者問張國權點解唔去參加唱歌比賽之類嘅選秀節目而再入行?佢坦言既冇信心,加埋唱歌、跳舞又唔係佢嘅專長,所以冇去參加。

喺亞視度過咗童星生涯,張國權唔單止賺嚟不一樣嘅經歷,仲有一份友誼,佢同《我和僵屍有個約會》劇嘅男、女主角尹天照、萬綺雯特別投緣,尹天照仲當佢好似契仔一樣。

Like MisshkNews Facebook!不出门也能知天下事~

發佈回覆

你的電郵地址並不會被公開。