星二代高過媽咪，搞到徐濠縈要著高踭鞋一齊行街！

歌神陳奕迅同老婆徐濠縈結婚多年并育有一女陳康堤，「星二代」陳康堤細個嗰陣因為父母嘅身份，而成為焦點成日都被追蹤，但原來唔經唔覺陳康提宜家已經15歲。

呢排，陳康堤就畀影到孖住媽咪徐濠縈一齊行街，見到陳康堤外貌清秀，成功遺傳咗父母優良基因，同媽咪一樣鐘意運動嘅陳康堤，唔單止身材高挑，似足媽咪清秀嘅樣。

陳康堤呢天就做一個乖乖囡，陪媽咪到中環行街，徐濠縈就保持自己「潮教達人」嘅樣，以黑色大外套造型出動，陳康堤就輕鬆打扮，著衛衣加牛仔褲。

15歲陳康堤原來已經高過媽咪，所以徐濠縈呢天選擇著上高踭鞋嚟配合囡囡，就算係行喺囡囡嘅身旁，都應該會畀誤以為係姊妹。