暗戀蕭正楠?前港姐直言鐘意成熟嘅男人

《愛回家之開心速遞》自播出以來一直備受追捧,呢部劇成功入屋帶攜劇中嘅演員隨之人氣急升,比如喺劇中飾演BONNIE嘅林凱恩

呢個月17日27歲生日嘅佢,而家林凱恩忙住為新劇拍攝,唔知到時生日當日係咪需要開工呢?

林凱恩就表示自己到而家仲冇定慶生計劃,不過都已經有喺工作中度過嘅打算,傾到生日愿望,林凱恩就直言希望可以喺工作上可以有新嘅進步,都希望自己身邊嘅人可以一直開開心心。

話又返嚟,今次林凱恩喺《愛美麗狂想曲》中嘅角色,與《愛回家》中嘅BONNIE,好唔同,但係對佢嚟講係一次機會。

佢話:“劇中我飾演公關公司職工,係一個有錢女,角色性格好蠢,會暗戀蕭正楠。我個角色比較蠢,所以好多大頭蝦事件。(現實中有冇暗戀過人?)有。我鐘意比較成熟嘅男人,因為會中意畀人照顧嘅感覺,不過,如果年紀相差十年以上就太多,我媽咪同我老竇年紀上都係差十年,所以十年係我嘅極限。”

1992年出世嘅林凱恩同大多數藝人一樣,都係通過選美入行。佢喺香港城市大學專上學院公共關系及廣告社會科學副學士課程畢業之後,就參加咗《2015年度香港小姐競選》,雖然最後落選港姐,但都奪得“友誼小姐”。

期間佢曾經參與拍攝唔少嘅作品,比如《幕後玩家》、《降魔的》等,不過深刻印象嘅都係佢喺《愛回家之開心速遞》中嘅“譚育英BONNIE”一角,而佢喺《降魔的》中飾演嘅“張佩玲”都同樣出出色。

據悉,喺跟住落嚟嘅新劇《她她她的少女時代》、《降魔的2.0》、《愛美麗狂想曲》中林凱恩同樣有份演出,唔知到時佢又會畀我哋帶嚟點精彩噶演出呢?大家不妨一齊拭目以待!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *