無線之前熱播的時裝家庭劇《BB來了》，因為真實貼地的題材深受觀眾歡迎，而飾演男主角的黎諾懿，雖然入行已經16年，但只系第三次演男一。
黎諾懿同李佳芯飾演一對新婚夫婦，將初哥父母大肚生子的不知所措同辛苦呢類心態，表演到淋漓盡致，但系以《愛回家》神之馬壯一角彈起的黎諾懿，少不免都系畀人濃郁的“馬壯味”。
其實有唔少監制都叫黎諾懿擺脫“馬壯”的影子，「佢哋問我可唔可以搣甩馬壯啲嘢，但其實我冇做馬壯好耐。大家咁諗，可能系因為我馬壯前冇咩代表作，而《愛回家》有成900幾集，所以先會咁。向好方面諗就系大家都好記得我，甚至依家出街食飯，都有人叫我馬生，叫我老婆馬太。」
好似拍攝《不懂撒嬌的女人》的時候，黎諾懿飾演渣男“賤Han”，林文龍也不斷提醒佢唔好太“馬壯”，其實黎諾懿自己都唔系好明咩系“馬壯味”，都明要擺脫“馬壯”先開始新的一頁，但系有心“整死”馬壯，又覺得有啲可惜。
「我系似馬壯一樣咁貪玩、賴皮，但我唔似佢咁Social，我好驚多人的地方，亦唔知點同唔識的人相處，好易Dead Air又好驚Dead Air，而馬壯就永遠搵到話題。」
38歲黎諾懿入行16年，但系擔正當主角的戲就寥寥無幾，但系當年一齊做“奧運六星”的林峯、吳卓羲、黃宗澤等，已經演過無次男一號，都已經獲得肯定，走上一線位置，黎諾懿就承認有妒忌，但都表示自己以前少不更事。
「我后生嗰陣真系好多嘢唔識，無論待人處事、做戲，所有嘢都有唔妥善的地方。可能好多人都有幫過我，但系以前的年少氣盛，令到佢哋都唔繼續幫。」
回想以前，黎諾懿都覺得自己當時自視過高：
「我以為做到『六星』后前路會一片光明，所以目空一切，搞到唔識珍惜。入咗TVB一兩年，就已經有得做《四葉草》主角，好快就做『六星』，覺得所有嘢都系必然，以為自己跟住就系做劉德華、梁朝偉，就算不是我都系苗僑偉。側邊又好多人同我講，我系下一個古天樂。」
畀問及有冇妒忌過其他人，黎諾懿都好老實：
「我話冇就呃你嘅，以前會諗點解人哋上到我唔得，依家我會問翻自己究竟得唔得。阿峯去紅館，我會諗自己系咪會賣到飛，你叫我唱百幾首歌我都得，但系唔會有人睇，所以我會選擇翻啲呢個階段做嘅嘢，咁樣實際得多。
人哋得，系人哋有才能、天分，我冇呢啲嘢就要打好根基，希望有一日可以做到佢哋咁，如果做唔到都冇辦法，因為唔系話學就學到，唔系1+1=2咁簡單嘅嘢，而我想大家中意我系冇一個直接的答案。」
不過黎諾懿都真心欣賞佢哋，都覺得林峯系當中最全面的一個。
「唱歌跳舞做戲，無論有冇離開到TVB，佢都可以話系首屈一指，佢個樣又小生樣，我自己系做唔到，我音樂感好差，五音不全，真系要講才能，好多嘢要追趕，年紀開始長大，真系覺得以前嘥咗好多時間，依家會諗點解我唔好好學好普通話，依家學又覺得好難搞，但就算講得差，我都會講，因為點都要踏出第一步。」
馬明喺《皆大歡喜》一人分飾九角，其實黎諾懿喺里面都演過四個角色，傻佬、阿兵哥、侍衛、官兵。
之后的第一部作品就系《戀愛自由式》，飾演第四男主角，戲份唔算多。
第二部劇就當上咗男主角，喺《當四葉草碰上劍尖時》的青澀演出，系幾多90后的青蔥回憶。
當上男主角，被選為“奧運六星”，又生到好似陳百強同陳曉東，黎諾懿正值上位之際，卻無奈畀調去兒童組。
“奧運六星”也因此成為過去，除咗黎諾懿，其余五人成為“新一代五虎將”，慢慢噉，大家都唔記得咗，當初黎諾懿都系同佢哋同一個level的。
“當時真系唔開心，會不時反問自己，點解系我？但系當時年少氣盛，永遠都睇唔到自己的不足，到而家年紀開始大，又經歷過咗風雨，就知道你擔唔起就擔唔起，如果可以就一早成功，唔可以一句，你覺得可以就可以。
因為呢一行好講究觀眾緣，觀眾唔鐘意你就系唔鐘意你，你一定要不斷去改變嚟迎合觀眾，因為呢行系娛樂人，唔可自娛，唔可以堅持。”
之后黎諾懿又返到咗做茄喱啡生涯，馬國明、陳鍵鋒、吳卓羲、黃宗澤喺《沖上云霄》，飾演主角，畀封為“S4”，黎諾懿唯有做一個“文員丙”，連對白都冇。
《法證先鋒》陳文狄
《法證先鋒2》李志偉
《法證先鋒3》麥永富
黎諾懿仲系唯一一個拍咗三部《法證先鋒》的人
《溏心風暴》唐至歡
《溏心風暴之家好月圓》甘永圓，后來黎諾懿有機會參演《溏心風暴》系列，雖然只系男配角，但也得到唔少好評，之前開拍《溏心風暴3》，一眾后生演員都因為各種因由冇辦法出演。
2012年，黎諾懿出演處境劇《愛回家》，憑住“神之馬壯”的稱號成功上位，角色大獲好評，咁多人睇《愛回家》系為咗睇佢，只可惜角色喺2016年就大結局嘞。
喺《叛逃》入面雖然唔系主角，但系黎諾懿就憑住 一個“打醬油”的角色搶鏡成為網紅，有一幕佢被擄作為藥物試驗，驚嚇表情充滿潛力，畀網友截圖做成無數表情包。
喺《純熟意外》入面，“最接近神的男人”又升為“上帝”，繼續畀網友瘋狂改圖！
舊年喺《不懂撒娇的女人》飾演渣男“賤Han”，成功奪得馬來西亞星光薈萃頒獎典禮，“最喜愛TVB電視角色”，也系該劇唯一奪得該獎的男角色。
喺《逆緣》里同夏文汐的姐弟戀，也成為咗一時話題。
黎諾懿演渣男演得出神入化，現實中感情生活都唔平靜。
黎諾懿曾經同傅穎傳出戀情，兩人拍劇影到出雙入對，據聞兩人感情好到女方仲為男方買底褲。
之后又畀影到同陳庭欣密會，而當時陳庭欣曾向媒體透露過有一位內地男友。
黎諾懿都曾經同楊怡傳出緋聞，有傳當時的楊怡患病在身，口齒不清仲脖頸有疾，黎諾懿對佢照顧有加，兩個人的緋聞也因此傳開喇。
不過嗰陣的楊怡越嚟越紅，黎諾懿就不慍不火，有傳楊怡媽咪覺得黎諾懿冇前途，棒打鴛鴦，不到一年兩個人就掟煲咯。
隨后楊怡跟羅仲謙傳出戀情，黎諾懿畀甩了，依然系力挺“情敵”羅仲謙唔花心！心胸噉寬廣的男人喺邊度搵？！
雖然跌咗個“視后”女友，黎諾懿後尾都識咗“落選港姐”李潔瑩，李潔瑩喺2007年曾經報名競選港姐，佢系個標準的富二代，屋企系做美容生意，因為兩人背景懸殊，關系曝光后都唔畀看好。
然而兩人都系喺2014年光棍節嗰日結婚，成為“五億駙馬”！黎諾懿結婚當日仲開住外父的，200多萬港紙的敞篷跑車到女方屋企接親，后來繼續揸車到擺酒現場。
結婚之后外界依然系稱黎諾懿系“入贅”到李家，不過佢自己系講早就有心理準備的，“冇辦法啦，老婆、親家明白就得，錢方面大家真系好懸殊，我會努力做嘢拉近！”同時也強調婚禮系用自己的錢。
入行前，黎諾懿曾經靠羅綜援維生，入行后都住過20平方的劏房，但系結婚之后黎諾懿都冇因此過上豪門生活，兩公婆保持“平民生活”，舊年兩人終于迎來寶貝仔“小春雞”，不時喺網上大曬老婆兒子，生活好開心。
但系今年1月黎諾懿就被曝背住老婆，偷會湯洛雯，兩個人喺《燦爛的外母》飾演夫妻，喺套戲入面有唔少親密戲份，不過兩個人就澄清系好朋友，同黎諾懿老婆都好熟，所以都唔怕被誤會。
雖然畀經歷磨走驕傲自大，但黎諾懿就話自己的斗心從來冇畀磨走：
「依家系睇嘢唔同咗，以前系個心口掛住個勇字，又或者做啲於別不同、自以為系啱嘅嘢，依家成熟咗，唔會做碰釘嘅嘢，每件事深思熟慮。你問我想唔想拿獎？我答你絕對諗。
咁想唔想做視帝？絕對想。不過，自己一定要有實力，如果唔系大家就唔認同你，俾咗個獎你就引人嚟鬧，我會寧愿成世都冇獎，因為觀眾嘅眼光系雪亮，會識比較、會識評價你呢個人。」
雖然黎諾懿的星途唔算大紅大紫，但生活都算系幸福美滿，期待佢跟住更出色的表現，慢慢向視帝邁進。
Like MisshkNews Facebook！不出门也能知天下事～
