曾志偉「三宗罪」!睇唔起TVB?倒戈挖角?踩港姐?無線終于忍無可忍!

其實曾志偉與無線多年嚟的恩怨,千絲萬縷,其一言一行都沖著無線而嚟,可謂又愛又嬲。由1995年開始做的《獎門人》系列游戲節目,收視同口碑極佳,令曾志偉成為綜藝組的臺柱,直至2013年被傳與綜藝組揸旗的余詠珊不和。不過創意十足二人亦實事求是,以成熟心情處理局面,曾欲雙劍合璧打造一個行出錄像廠,到各區與觀眾互動的全游戲節目真人騷,可惜只聞梯響,最后亦不了了之。

罪一:拉攏招兵頂亞視!
諗頭多多的曾志偉,早喺2016年亞視熄機的時候,曾傳佢四出搵老板泵水買亞視,兼向無線幕后人員大挖角,望打造以佢為首的制作團隊對撼無線。據知無線當時鬼咁不滿,但最后系未成事,就當對方是「一時貪玩」而當冇事發生。

罪二:倒戈助陣ViuTV做嘉賓
過曬一輪「冷河」之后,曾志偉終喺舊年《萬千星輝賀臺慶》「翻生」,正當大家以為彼此關係緩和,好戲就喺后頭!曾志偉月前竟倒戈為ViuTV的《Good Night Show全民睇波派對》任嘉賓,并以「明星足球隊」名義,應ViuTV安排,拉大隊去俄羅斯欣賞世界杯的終極大戰,明鏟無線眼眉!佢受訪時更指無線唔會咁小氣,并坦言與ViuTV會再合作!此番挑釁行為,引爆無線高層的怒火,喺不能容忍的情況下,決定封殺曾志偉!

罪三:踩港姐慘不忍睹!
2013年港姐競選,志偉再口出狂言,寸爆由余詠珊統領的新改革賽制,由做現場(Live)變為錄像。錄期間呢,佢更按捺不住:「X你老X!港姐系Live,點解要錄呀?」及至舊年9月,佢又再寸爆狂踩,以四個字形容港姐決賽:「慘不忍睹!」

曾志偉昨日出席「奇華至尊月餅首播禮」,被問到可有留意呢屆港姐時,對港姐又愛又恨的佢「又嚟料」,先贊佳麗質素比過往年好,至於會否擔任港姐司儀?佢就笑說:「等佢哋搵我先,要睇嚇什么模式,如果好似上年咁,凈系出嚟講幾句嘢就唔好喇。」

由于今年港姐取消外景攝影,將到西貢拍特輯而畀網民笑由歐洲淪落到本地的西貢的時候,曾志偉「寸嘴」話:「越南個西貢?(香港西貢!)西貢咁遠呀?行將軍澳好遠喎!(覺得失色?)我自己就鍾意以前的模式,可以不斷更新的,但有啲嘢系需要保留原味。香港小姐一年一度,觀眾系期待的,大家都會想睇泳裝、問答環節、外面花絮,新聞界一齊出埠報道,大家討論,觀眾對港姐多啲認識,咁節目都會好睇啲。」

與曾志偉分屬好友的無線親生仔陳百祥(阿叻),最近喺橫店拍電影,提到志偉較早前為ViuTv「講波」兼拉隊飛俄羅斯睇世杯一事,明鏟無線眼眉,阿叻表示:「我點敢去呀!我系無線親身仔,睇住TVB血,我同埋去就唔使撈啦!(勸嚇志偉?)冇啦。(佢同無線關係唔好喎!)仲好啦!冇咗佢喺度阻住我,今年港姐咪我做羅!因為我同無線一年簽一騷,我不做港姐就冇嘢做!(你同志偉都系無線Icon?)我系咋,我系無線養大的,佢就系幫無線打仗攞收視。(但今年港姐好似冇志偉?)佢不做啫!佢睇唔起TVB吖嘛!」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *