曾經係賭王千金舊愛,TVB力捧小生11月娶圈外女友

賭王千金何超雲前男友陳山聰,同現任圈外女友Apple拍拖5年,兩個人決定結婚,婚禮定喺今年11月1日。宜家忙住籌備婚禮嘅陳山聰,已經將喜訊通知好友袁偉豪、姚子羚、契姐伍詠薇、陳敏之等人。

「TVB力捧小生」陳山聰入行多年,一直喺圈中浮浮沉沉,直至2011年同賭王千金何超雲爆出戀情,女尊男卑戀轟動娛樂圈。

陳山聰更做跟得男友,每次何超雲出現嘅時候,身邊總有陳山聰,將拍拖放第一位嘅陳山聰,幾乎連事業都不顧,甚至同契姐伍詠薇反面。

之後就爆出陳山聰與舊愛Ponny原來喺2008年秘婚,陳山聰當時承認自己曾經係人夫嘅身份,并指與Ponny喺2010年已經離婚,婚姻唔涉及第三者,可惜何超雲同陳山聰兩個人嘅只維持戀情,最後維持咗2年就告終。

陳山聰同何超雲分手之後,形象跌至谷底,一度陷入失愛情、失業、失達、失形象嘅困局,第二年陳山聰戀上設計師Apple,女友唔介意佢嘅過去,令陳山聰性格改變,更加腳踏實地。

舊年陳山聰更透露儲緊錢結婚,希望今年舉行一個陽光沙灘嘅婚禮,陳山聰呢排就婚姻回復傳媒時話:“多謝祝福同報道,多謝大家嘅祝福啦。”

問到實新郎心情,陳山聰話:“呢排新劇《大步走》第一日開工,所以好忙。”同劇拍乸姚子羚,今日都喺社交平台曬出自己與陳山聰嘅合照,并送上祝福:“《大步走》第一次外景,恭喜我好兄弟好拍擋準備要做老襯。佢第一次做男主角嘅《金宵大廈》準備喺9月播出,好事成雙!”

隨著TVB出現嘅小生花旦離巢潮,入行多年嘅陳山聰宜家都成為TVB力捧小生,佢喺《萬千星輝頒獎典禮2017》更憑《同盟》奪得最佳男配角,又喺《TVB馬來西亞星光薈萃頒獎典禮2017》奪得最喜愛TVB男配角,演技同成績都獲得肯定。

之後首次做男主角嘅穿越奇幻劇《金宵大廈》準備喺9月16日播出,劇情有60年代到現代都有,陳山聰較早前喺劇集試造型時更預告有吻戲,大家千祈唔好錯過。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *