曾經因為一句話畀封殺,前港姐生日怨老公唔肯示愛

前港姐陳倩揚今日出席品牌活動,獲大會送上花預祝佢13號嘅36歲生日。現育有兩子一女嘅陳倩揚,笑指大仔呢排同細佬靜雞雞喺到商量,估計係畫生日卡俾佢。

陳倩揚話:“佢哋真係好識氹我開心,成日同我講I Love You,我成日都叫老公學習下,佢就話成日話就唔矜貴,好難先令老公開金口講愛我。”

陳倩揚坦言做媽咪之後已經好少過兩人世界,因為兩個人唔舍得離開小朋友,有朋友提議佢哋重新學習拍拖,但佢想等小朋友大啲再作打算。

陳倩揚係2008年香港小姐亞軍,佢喺2016年與TVB結束八年賓主關係。

陳倩揚喺2015年尾《東張西望》節目改革大換血,冇得留低,離開工作6年嘅主持崗位,佢當時喺社交平台感慨話:“東張揚將成過去式,一朝天子一朝臣,你識嘅!”

之後大半年陳倩揚就畀冷落,工作量唔多,間中客串劇集,最終雙方喺續約未能達成共識,所以佢決定離巢外闖,而家嘅陳倩揚除咗接商演活動之外,仲喺網上開直播賺錢。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *