曾與黃宗澤傳緋聞,20歲「TVB小花」正式封盤

據悉,今年得20歲嘅「TVB小花」楊嘉欣曾與黃宗澤傳過緋聞,近年喺TVB處境劇《愛回家之開心速遞》飾演女裝部Sales,而畀網友封為「隱藏美少女」。但日前佢與圈外男友Dickson低調閃婚!

擔任姊妹嘅郭千瑜今日喺社交社交平臺曬出幾張靚相,睇到新娘子楊嘉欣著上一條白色吊帶喱士婚紗裙,坐喺花車內,而新郎哥都好後生,一對新人相當合襯。

咁後生就結婚,楊嘉欣今日回復傳媒嘅時候,就簡單講咗一句:「多謝大家關心!老公係圈外人,佢嘅事我就不作回應啦。」

現年20歲嘅楊嘉欣雖然好後生細,原來佢喺16歲嗰陣就已經入行。早年佢接受訪問時表示,就讀國際學校嘅佢喺完成中五之後,就進入咗無線電視藝員訓練班追夢。

楊嘉欣入行4年嚟,演出機會都有唔少,例如《雜警奇兵》、《特技人》、《溏心風暴3》、《誇世代》。

楊嘉欣仲喺《愛回家之開心速遞》中曾飾演校董女兒(第81-82集)憑借其一對修長美腿成功入屋,人氣急升。

楊嘉欣雖然得20歲,只要再加精進演技,相信佢好有機會成為下一代TVB女神之一。

發表回覆

你的電郵地址並不會被公開。