最有前途嘅香港先生,竟然係佢…

講到入行TVB最佳嘅途徑,莫過於係參選香港小姐或者藝員訓練班,不過喺藝員訓練班可以上位嘅確實好少,相比之下,TVB鐘意力捧港姐或者華姐。

至於香港先生更加唔使講,唔少香港先生一早離開TVB轉行,喺TVB就得袁偉豪最成功。

不過,今日讲到呢位備受TVB力捧嘅香港先生,喺2016年,香港先生競選停辦咗5年之後再次重辦,年僅19歲嘅丁子朗獲得咗亞軍、最上鏡先生好成績。

丁子朗入行3年演出機會多多,第一部劇集就喺《十兄弟》飾演奀皮四,喺《再創世紀》、《堅離地愛堅離地》都擔任配角,前途一片大好。

而且,喺新劇《解決師》入面,丁子朗作為新人仲可以同視帝王浩信有對手戲。第一次可以拍到大制作臺慶劇,22歲丁子朗已經贏喺起步線,乖乖仔形象更幫佢成功入屋。

14歲移居加拿大多倫多生活嘅丁子朗,喺滑鐵盧大學讀完首年,趁住假期參加當地《型男家族》比賽,雖然攞唔到獎,卻為佢帶嚟過另一個機會。

原來當日比賽,TVB高層杜之克、樂易玲、余詠珊秘密在場,丁子朗就畀選中返香港參選香港先生,更成功跑出成為三料港男,獲得亞軍,更加係最上鏡先生同最受歡迎香港先生。

不過贏得簽約TVB機會同時,丁子朗亦要為自己人生作出抉擇,據知情者透露:簽約意味住要放棄學業,當時父母都反對,甚至用金錢引誘佢繼續完成學業。

喺TVB三年,機會不斷,丁子朗憑陽光肌男形象上位,舊年參與拍攝《森美旅行團》第二輯,半裸爆肌演出備受關注,畀網民封為新一代嫩口男神。

唔理點樣,都係希望丁子朗喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發表回覆

你的電郵地址並不會被公開。