最驚老婆會出軌!46歲人氣男神感慨相愛十年:真系要新鮮

最近人氣極高嘅香港歌手孫耀威,呢排現身出席微電影頒獎典禮活動,期間,佢憑借自己主演作品《圓》勇奪「最佳微電影男主角(專業組)」金獎。

 

受訪嘅時候,談到攞獎感受,孫耀威直言開心同感恩,佢又表示《圓》其實系將自己嘅歌曲拍成嘅微電影,所以對于自己而言,無論系感受定意義都相當之深。

佢又憑電影作品寄意,講出咗自己心中嘅愛情觀念:「其實愛好似一個圓圈,有開始冇終點,自己后生嗰陣就追求轟轟烈烈嘅愛情,但當年紀大就追求細水長流嘅愛情,無論兩個人喺埋一齊幾耐都要恩愛如初。」

孫耀威又透露,過多幾日就適逢系自己與太太陳美詩拍拖10周年嘅紀念日,記者笑問現時夫妻生活過得有無當初咁轟烈?孫耀威連隨笑謂:「我哋都算轟烈嘅,之前舊歷新年去咗一個講咗好耐嘅歐游旅行,都算系補度蜜月,去咗兩個星期。」

傾到已經與太太相愛有十個年頭,現年46歲嘅孫耀威好感慨,佢繼續話:「其實都好驚訝我哋原來已經十年,的確愛情要畀大家新鮮感,我哋都仲喺呢個圓圈里面奔跑,希望唔會出軌啦。(你唔會出軌啦?)唔會,我已經系絕緣體喇,我最擔心系老婆出軌!哈哈!」

據悉,孫耀威與陳美詩直到2017年4月份先正式登記結婚,結婚之后二人亦都未有生育,問到會唔會趁住呢次歐洲之旅成功造人?佢就直言唔會,但又認與太太有傾到生仔嘅話題。 佢表示:「因為之前真系好忙,好多時我哋又遇正佢唔方便嘅日子(生理周期),所以希望跟住落嚟嘅日子多啲時間見面。(太太有無會考慮雪卵?)我覺得噉就唔浪漫,我都系希望可以浪漫噉進行。」

發表回覆

你的電郵地址並不會被公開。 必要欄位標記為 *