講起林峯嘅女友大家一定會諗起張馨月同吳千語，其實林峯初出道冇幾耐仲同一位香港女藝人拍過拖，不過戀愛時間就唔長。
而家林峯同女友張馨月感情越嚟越穩定，而呢位曾經同林峯拍拖嘅女藝人都揾到真愛喇。
現年35歲嘅香港女藝人李彩樺，曾經同林峯拍過拖，李彩樺入行嘅初戀就畀咗林峯。
其實翻看兩人以前嘅合照，感覺兩個人都幾般配。兩個人系因為拍戲而產生感情，分手之后女方都冇過多談論同林峯呢段短暫戀情，所以大家都遺忘喇。 
其實李彩樺拍過唔少劇集，而且又做過女一。不過估計好多觀眾印象最深刻嘅都系佢出演《回家的誘惑》，佢顏值同身材都非常唔錯，加埋都有演技。
不過佢星途就唔點順利，而感情路上都如事業一樣，好彩嘅系最近佢收獲咗愛情。 
35歲嘅李彩樺，日前畀記者影到現身香港街頭，而隔離就有一位好高大斯文嘅男士牽住佢，呢位男士就系佢男友Eric。據悉Eric為追到女友，喺女方拍戲期間，經常探班，更加系女方心情低落時陪喺身邊，而家兩人已經拍拖半年。Eric家境唔錯，而且自己都系老板。 
兩人手拖手去到一間中醫診所，從近距離睇Eric認真高大。 
原來當時李彩樺媽媽都喺現場，睇嚟佢哋兩人系帶媽媽睇醫生。 
Eric仲帶未來外母去洗手間，未來外母應該同佢已經多次見面。 
三個人喺中醫診所，逗留咗一個幾鐘先走，當離開嗰陣李彩樺媽媽相當醒目，自己先行離開，讓個女同未來同女婿去享受二人世界。 
跟住兩人先去食嘢，佢哋并冇選擇高級餐廳慢慢食，而系選擇方便快速嘅洋快餐。 
就算喺人群中都忍唔住開始騷恩愛，李彩樺用手指指著男友額頭。 
兩個人真系好甜蜜，喺人來人往嘅大街上開始騷恩愛，李彩樺主動用手喂男友食嘢。 
兩個人經過地產同嬰兒服裝店鋪時都停落嚟認真睇，男友仲搭住李彩樺膊頭細心睇嬰兒衫，唔通兩個人已經有諗法結婚生仔？ 
兩個人行路嗰陣相當甜蜜，唔單止手拖手，李彩樺仲含情脈脈噉望住男友。 
當經過一個坐輪椅嘅殘疾人士時李彩樺都有捐款，然后再慢慢行返住所繼續享受二人世界。睇得出兩人而家好甜蜜，啱啱拍拖半年嘅佢哋好嘆而家嘅生活。 
其實李彩樺嘅感情路真系好唔順利，2015年同新五虎之一何遠恒拍拖，原本話喺2018年要結婚，結果突然就掟煲咯。 
再向前啲佢仲有2段戀情，不過最終仲系分手收科，其中有一場愛情甚至讓佢覺得好痛苦。而家有咗咁錫嘅男友后，希望佢可以修成正果。 
Like MisshkNews Facebook！不出门也能知天下事～
