港姐入行即分手成為「魔咒」,邱淑貞竟然最震撼

較早前,落選港姐廖慧儀畀其圈外男友喺社交平臺留言話,自己已經畀廖慧儀飛咗。同廖慧儀日前回應傳媒時指感情關係依然良好嘅情況,似乎有咗大改變。

其實過去多年,唔少通過選港姐而入行嘅藝人,都會喺入行冇幾耐就會同時任男朋友分手,當中最為經典嘅要講到1987年港姐嘅邱淑貞。

1987年參選港姐嘅邱淑貞,佢喺參選期間因為各種負面新聞嘅壓力令佢選擇退選,但其標緻可人嘅樣貌,依然無法阻礙佢進入娛樂圈。
當年邱淑貞時任男友係邵仲衡,邵仲衡喺2017年廣播節目中講到:「邱淑貞選港姐之后見識咗另一個世界,識咗唔同嘅人。大家行喺唔同嘅路上,所以入行冇幾耐佢哋就和平分手。」

另外一位同樣都喺入行之后就閃電分手嘅港姐,就係2015年港姐冠軍麥明詩。麥明詩當年參選香港小姐之前就已經同林作拍拖,而林作媽媽亦視麥明詩為好新袍。

不過,麥明詩、林作喺2016年9月分手,到而家佢哋未曾公開解釋分手嘅原因,不過佢哋喺分手初期,經常會畀傳媒發現佢哋仲單獨拍拖。

另外2016年參選港姐嘅張寶兒,入行前佢嘅男朋友係中學同學Jonathan,亦都係佢嘅初戀,不過佢入行之后冇幾耐就同對方結束呢段7年情。

張寶兒曾經喺《#後生仔傾吓偈》中提到,自己入行之后越嚟越忙,令到佢哋距離越嚟越遠,即使當時男方有努力箍煲,但最終都係分手收科。

而2018年嘅港姐亞軍鄧卓殷,參選港姐之前同圈外男友拍拖近6年,但入行之后冇幾耐佢就表示佢哋已經分手,佢話:「我哋拍拖6年,有5年幾時間都係Long D,因為Long D令人迷惘,所以最後大家都係分手收場。」

Like MisshkNews Facebook!不出门也能知天下事~

發佈回覆

你的電郵地址並不會被公開。