港姐姊妹花齊齊做「大肚婆」，著紅色姊妹裙現身

佗B九個月嘅前港姐許芷熒（Whitney）與前港姐蔡思貝不嬲感情好好，較早前佢哋畀拍到一齊Shopping嗰陣，蔡思貝更化身阿四貼身照顧大肚婆許芷熒，相當細心。

呢日許芷熒、蔡思貝兩個人再相約聚會，佢哋唔單止齊齊著上紅色裙以姊妹裝現身，蔡思貝仲扮大肚，實行兩姊妹「一齊大肚」！

許芷熒喺社交平台曬合照，并留言：「多謝蔡思貝陪佢一齊大肚，唔可以一齊大肚，陪住我扮大肚都好，如果有一日你要做媽咪，我都會陪你著上呢套衫，希望嗰陣，我仲可以著得落。」

許芷熒又分享懷孕近況，指開始出現假宮縮嘅情況，心情逐漸緊張起身。