港姐舊愛博出位,竟然口出狂言要贏奧運擊劍冠軍

曾經係前港姐麥明詩舊愛嘅林作,佢做過律師、做過補習名師、半路出家做過藝人又管理過娛樂公司,但冇一樣成功,唯一最成功佢熱衷喺社交平臺上抽水,炫富,甚至周圍同人挑戰。

今年林作約埋富二代鐘培生打拳比賽,比賽未打就已經積極周圍宣傳,仲練拳練肌肉曬社交平臺。

而東京奧運會上,香港擊劍代表張家朗攞到金牌瞬間成為香港之光,林作梗係唔會放過上位機會。

林作第一時間喺社交平臺發文,揚言今年九月份同鐘培生大戰之後,即刻轉行去學劍擊,另外佢仲要畀張家朗10萬蚊出場費,希望對方可以同佢一較高下。

網友見到林作咁樣講,即刻紛紛留言:「真正嘅運動員由細到大,用咗咁幾多年苦功,你今次抽水抽得好low囖。」、「唔該你,抽少d水啦!」

網友狠批林作唔尊重張家朗,林作依然唔知衰,再出文章回應網友:「挑戰唔代表我唔欣賞劍神張家朗,作為目前香港唯一一個攞到奧運金牌嘅男子運動員,張家朗係全港最Man嘅男人,喺我心目中佢係所有香港男人嘅偶像。」

 

Like MisshkNews Facebook!不出门也能知天下事~

發佈回覆

你的電郵地址並不會被公開。