游客爆減狂蝕150萬,「TVB小花」無奈轉手鋪頭

唔少TVB藝人都有投資副業嘅習慣,「TVB小花」莊思敏喺2015年入股尖沙嘴一間點心店,以卡通點心作為賣點,開業以來生意都唔錯,莊思敏經常會叫藝人朋友去試下順便宣傳。

不過,呢幾個月香港發生社會運動令生意大受影響,莊思敏接受訪問時無奈表示:損失好多,呢三個月狂蝕150萬!

莊思敏呢間點心店以卡通造型作為主打,每兩三個月會轉換一次主題,由食品飲品到裝潢鋪天蓋地,成為唔少人打卡熱點,人潮不絕。

不過莊思敏話,因為呢排嘅示威活動令生意大受影響:始終我哋好靠游客,6月中生意已經開始跌,7、8月同以往暑假更差,而家都9月啦都見唔到曙光,圣誕節應該會繼續慘淡。

“8月中其實已經開始傾緊轉讓,因為預期生意都會一路跌,亦未知幾時回升,對我哋幾個老板都有壓力,啱啱買家表示有興趣,我哋都開咗合理條件,最緊要佢請我哋員工,保住40個員工飯碗!因為我哋都開會傾過,到時員工都會失業,倒不如我哋而家放手。”

發表回覆

你的電郵地址並不會被公開。 必要欄位標記為 *