澄清緋聞女友關係,「TVB小生」與真女友高調放閃曬恩愛

「TVB小生」阮政峰(Hero)同林凱恩因為拍攝《愛回家之開心速遞》而傳出緋聞,劇中分別飾演池子孝同BONNIE,曾經被媒體影到放工後男方接女方收工,被爆佢哋已經秘密拍拖兩年。

不過,兩個人較早前喺活動中尷尬否認戀情,阮政峰為咗撇清與林凱恩嘅關係,更加自爆有新戀情,與圈外咖啡師女友Liz拍拖大半年,形容而家感情生活好開心、好穩定。

阮政峰尋日喺社交平臺高調放閃曬恩愛,將兩個人較早前蜜游北海道嘅片段剪輯成短片。

兩個人著上情侶裝出發,Liz喺鏡頭前經常詐嬌,因為食唔到M字頭快餐薯餅而難過到爆喊,阮政峰一路笑一路嗿女友話:“真係喊呀,真係大件事啦今次!”好攪笑。

阮政峰同女友都係鐘意攝影,經常會揸住部相機周圍去,喺各自嘅社交平臺都會見到男友視角同女友視角嘅靚相;Liz為男友擔任模特兒,大騷長腿之外,仲有唯美黑白床照。

而喺阮政峰正式公開戀情前,其實Liz已經忍唔住喺社交平臺泄密,包括喺520當日曬咗一張拉住女仔手嘅相,留言話:“黑白女友視覺圖,賀賀520~”當時都有人講笑估係George張明偉。

發表回覆

你的電郵地址並不會被公開。 必要欄位標記為 *