日前，TVB力捧小生何廣沛為某品牌拍攝廣告宣傳片，攝影期間，雖然一直落住綿綿細雨，但何廣沛為咗唔影響進度，都唔怨言全程冒雨照開工，盡顯演員嘅專業同素養，最后按照要求以高質量完成拍攝，獲廣告商大贊。
據悉，為咗配合廣告商嘅宣傳概念，拍攝團隊特登到西貢郊區取景，為求打造出一系列晃如置身童話之中嘅相。而何廣沛喺拍攝時，雖然全天淋雨，但都兢兢業業認真完成工作，每一個鏡頭，更按美術指導要求同唔同模特兒甜蜜互動，表現得相當出色。
現年30歲嘅何廣沛，自細家教甚嚴，據聞佢老竇曾經喺懲教署做嘢，阿媽就系護士，家庭教育相對保守。
為人性格較為硬郎嘅何廣沛，當初為咗堅持追求自己嘅演藝夢想，不顧父母嘅反對，毅然報名參加咗第26期無線藝員訓練班，畢業之后，順利簽約喺TVB旗下出道，成為電視演員。
何廣沛入行到而家6年，佢已經喺多部無線劇集中亮相，從一開始嘅配角，到後尾戲份越嚟越吃香。
佢嘅作品包括《女人俱樂部》、《愛回家》、《使徒行者》、《親親我好媽》、《律政強人》、《點金勝手》、《超時空男臣》、《天命》以及《跳躍生命線》等。 
2017年，佢憑劇集《超時空男臣》獲得萬千星輝頒獎典禮“飛躍進步藝人獎”，演技備受外界關注，人氣急升。
舊年，佢又以第二男主角身份同視帝馬德鐘合演臺慶劇《跳躍生命線》，表現出色嘅佢，就連馬德鐘都表示睇好。
據悉，喺跟住TVB新劇《大醬園》中，何廣沛將擔正做第一男主角戲份出演。
除此之外，佢仲喺其他新劇，包括《黃金有罪》、《白色強人》、《包青天之再起風云》中都有份演出，各位粉絲屆時可以多加留意佢精彩演出！
Like MisshkNews Facebook！不出门也能知天下事～
