為咗撐姊妹攞視後,「胡說八道會」上陣合唱《金宵大廈》

前港姐李施嬅憑借《金宵大廈》角逐今年視後,畀視為大熱嘅佢除咗備受觀眾好評之外,一班「胡說八道會」好姊妹胡杏兒、胡定欣、胡蓓蔚同姚子羚都好撐佢。

尋日,李施嬅喺社交平臺曬咗一條自彈自唱片段,背後梗係有一班「胡說八道會」好姊妹齊齊為佢陪唱,更唱咗《金宵大廈》嘅歌,李施嬅更封佢哋為「WUSPICE GIRLS」,而佢哋都唱得好投入,唱得好好聽。

唔怪得有唔少網有留言激贊,亦令人勾起劇中李施嬅與陳山聰嘅片段,大家都力推李施嬅做今年視後。

「萬千星輝頒獎典禮2019」喺今晚準備舉行,李施嬅與陳山聰兩個人最近更合體到美國登臺,并首次同臺合唱劇集歌曲《今宵多珍重》。

李施嬅表示:「我哋分開唱過,網友一直都好想睇我同山聰合唱,今次係第一次合唱,觀眾反應好熱烈,呢套劇唔止香港觀眾睇,連海外華人都有睇,真係好感動。」

李施嬅指今年視後之爭雖然遇上勁敵惠英紅、楊千嬅,但觀眾嘅支持好似充電寶一樣,不停為佢加油充電,增添信心。

此外,李施嬅今次到美國登臺亦忙里偷閑去咗滑雪度假數日,佢話:喺加拿大由細到大都有滑雪,讀大學更加係一個星期滑足三四日。

今次撞上旺季,加埋呢個係美國五大滑雪場,所以酒店好貴,成萬幾蚊一晚,不過都好難得可以工作之余享受去滑雪。

唔理點樣,都係希望李施嬅喺之後嘅事業上可以有所成就,期待佢可以如願所償攞視後。

Like MisshkNews Facebook!不出门也能知天下事~

發佈回覆

你的電郵地址並不會被公開。