為女死為女亡,沙煲兄弟竟然為「TVB發電機」嗌交散水

當年,胡鴻鈞許廷鏗都係參加《超級巨聲》入行做歌手,佢哋又係娛樂圈出咗名嘅沙煲兄弟,兩個人單身嗰陣更畀傳同性緋聞,真係「友」情飲水飽。

胡鴻鈞同許廷鏗無懼同性緋聞,甘愿守喺大家身邊見證人生各個重要時刻,但呢幾年漸行漸遠,唔怪得許廷鏗較早時借歌曲《沒有人》抒發落寞之情。

2018年嗰陣,胡鴻鈞同許廷鏗不約而同喺社交平臺曬出睇北極光嘅相,引來網友熱烈討論并要求解釋,同性友情升溫,吳業坤笑言呷醋,表示如果同行,自己係伴郎。

許廷鏗連續兩年生日,都有胡鴻鈞陪伴慶祝,就連情人節都一齊過,并自稱係浪漫組合,至於胡鴻鈞喺2018年攞獎后曬合照并留言,話有玄機:「只希望繼續有你哋喺我身邊。」

兄弟情多年,但都難敵美人關,胡鴻鈞自從加入TVB之后識咗「TVB發電機」蔡思貝,令胡鴻鈞、許廷鏗呢對同性密友反面。

因為胡鴻鈞冇告知兄弟許廷鏗,自己同蔡思貝拍拖呢件事,兩個人戀情曝光之后,許廷鏗得知所以成為咗陌路人。

日前,許廷鏗紀念演唱會一周年,曬出同好友林欣彤(Mag)、鄭欣宜同JW(王灝兒)嘅合照,胡鴻鈞卻完全零留言,陌生程度同當年嘅密友互動簡直係差天共地。

不過,胡鴻鈞同許廷鏗為咗避免外界起疑,所以保持關注對方,實際上已經再冇任何互動,失去咗好兄弟許廷鏗,胡鴻鈞唯有投靠TVB藝人,轉投同拍劇變熟嘅馬國明、洪永城、周柏豪懷抱。

至於有傳令胡鴻鈞同許廷鏗反面嘅蔡思貝,蔡思貝就透過電話回應:「人哋嘅事唔回應。」,真係高招,唔怪得係TVB發電機。

Like MisshkNews Facebook!不出门也能知天下事~

發表回覆

你的電郵地址並不會被公開。