無懼馬德鐘張衛健夾擊,王浩信或者成為TVB第一個連莊視帝?

隨著12月來臨,TVB頒獎禮即將舉行。今年有份參與視帝爭奪嘅王浩信,雖然只有一部臺慶劇《兄弟》播出,但無論喺站位還系資源嚟睇,都處于當家小生嘅地位。

同樣畀視為視帝大熱嘅馬德鐘,儘管有收視第一嘅《跳躍生命線》加持,但歸根究底唔系TVB親生仔,要攞獎嘅話,睇怕有一定難度!

另外張衛健領銜主演嘅《大帥哥》都即將播出,作為收視保證嘅佢,是否打破《跳躍生命線》創下嘅收視紀錄,都系一個未知數。

最重要嘅系,雖然佢同馬德鐘同屬外援,但得到咗曾勵珍、樂易玲兩大高層嘅青睞,從開拍記者會到開播記者會,無論排場還系行頭,都唔輸任何一線藝人!

所以兩強之爭,或者會令TVB重蹈當年吳鎮宇、張智霖嘅覆轍,把視帝給予第三人!

而呢個人選,不做他想,最大可能系王浩信!

首先,作為新晉視帝,相較于陳展鵬而言,佢更有時間專注拍劇,而且呢排喺拍攝《解決師》時都相當搏命!,以致于喺拍劇嗰陣再次受傷,好在傷到嘅只系手指關節,唔使打太耐石膏,唔系好似《致命復活》嗰陣撞車住院嘅話,可能到時出席頒獎禮都相當困難!

這般敬業又正受力捧,TVB指望由佢創造奇跡,成為第一個連莊視帝,都不無可能!

另外一點就系近排TVB好重視與內地視頻網站嘅合作,而王浩信呢兩年,因為《盲俠大狀師》《溏心風暴3》成功打開咗內地市場,呢對于TVB今后轉型有極大嘅助益,話曬有咗內地視頻網站嘅投資,港劇拍起就唔使咁小家喇!

所以,今日現身《兄弟》宣傳活動上,王浩信喺面對視帝有關問題時都坦言自己想再次攞獎,不過最緊要仲系觀眾嘅支持!至於談到邊個系最大嘅競爭對手,佢毫不掩飾地揀咗馬德鐘,話曬對于電視城嚟講收視仲系王道!

唔知你對于今年嘅賽果有咩期待?最希望邊個攞視帝呢?

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *