爺孫戀玩完!前港姐宣布與66歲賭王手下離婚

2014年港姐季軍何艷娟,舊年畀爆與比佢年長40歲、今年66歲嘅澳博營運總裁吳志誠結婚,嫁入豪門,攪出一段轟動嘅爺孫戀。

不過,何艷娟今日中午喺社交平臺發文寫道:“喺和平同友好嘅情況下,我哋決定分開咗。

并講好咗,大家再見亦是好朋友,兼夾彼此多謝大家同互相祝福。”呢段爺孫戀婚姻僅維持咗8個月,何艷娟回覆媒體時話,兩個人非常友好情況下分開。

今年27歲嘅何艷娟參選港姐之後,入行TVB做藝人,但發展一般,曾經喺《宮心計2》飾演司珍房女史。

喺《愛回家之開心速遞》中,何艷娟嘅表現受到大家嘅關注,佢出演咗三太個女。

據了解,參選香港小姐嘅時候,佢喺香港大學就讀法律專業,為咗進入娛樂圈仲放棄咗學業,本來何艷娟可以靠高學歷闖蕩法律界,但系因為顧住參選港姐,最后只攞咗一個三等榮譽學位。

至於吳志誠今年66歲,身家豐厚,佢系澳門賭王何鴻燊嘅心腹,喺澳博持有嘅股份市值大約12個億,仲有多個物業在手,坐擁30億身家,太太約20年前過生後,一直冇再娶。

而吳志成同何艷娟啱啱相識嘅時候,都系好得意,聽講兩個人喺澳博一個晚宴上邂逅,吳志誠更豪送鉆石頸鏈做見面禮,兩人之後低調發展三年。

喺2018年7月兩個人宣布結婚,讓呢對唔畀外界睇好嘅爺孫戀修成正果,而呢位吳志誠總裁,太太過生20年,都一直單身,雖然有身家豐厚嘅佢,畀好多女仔視為鉆石王老五,但直到遇到何艷娟,佢先覺得系緣份到啦。

雖然何艷娟喺TVB冇走紅,但喺現實中,佢卻出入名店、周遊列國嘅富貴生活,而且仲獲贈咗一套價值1800萬嘅君臨天下豪宅,為咗討佢歡心,吳志誠甚至買落咗價值6000萬嘅酒莊,因為何艷娟中意飲酒。2016年,記者影到已經混跡喺上流社會圈嘅何艷娟,喺富豪游艇上開狂野嘅party。

結婚之後,吳志誠、何艷娟兩個人都毫不避諱咁喺媒體面前展現相愛嘅一面,次次出街畀影到都系手牽著手,顯得好恩愛,而且何艷娟經常出席各種活動,身上帶嘅都系名貴珠寶,一個豪門富太太嘅樣。

媒體都話何艷娟,至少少奮斗咗幾十年,可以讓佢衣食無憂嘅生活。

而今日何艷娟突然間宣布離婚,大家都一頭霧水。事情來得好突然,都唔知發生咗乜事,而且呢個婚先先結咗8個月。

不過呢段爺孫戀本來就唔畀大家所睇好,兩個人財富上嘅差距,年齡上嘅差距都好大。兩個人喺埋一齊4年幾,話離婚就離婚,實在系讓人有啲感嘆,不過點都好,都系佢哋自己嘅選擇,祝兩位各自安好。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *