產後極速修身!前港姐誕女四個月即投入拍攝:完美身形引熱議

日前,TVB新劇《婚姻合伙人》正在熱播,雖然呢部劇拍完已經兩年幾,不過由于劇情貼地攪笑,劇中演員嘅落力演出,播出冇幾耐就大獲好評。可以睇到除咗主角高海寧、揚明之外,喺劇中飾演揚明舅姨Cat姐嘅張嘉兒演出同樣都好搶眼。

今次佢嘅角色可以講系有啲極端,對住古明華飾演嘅Demo王惡言相向,然後對住幾個外甥就好疼錫,唔少網民都紛紛大贊張嘉兒演技進步神速。

其實當時呢部劇拍攝時間系2017年嘅年頭,當時張嘉兒啱啱先生完BB四個月左右,唔單止要照顧家庭又要兼顧拍戲,真係分身乏術,不過而家睇返劇中張嘉兒嘅形象,卻完全睇唔出當時佢啱生完冇幾耐,收身成功嘅速度的確令人羨慕。

而張嘉兒喺接受訪問時就表示,其實呢個過程一啲都唔容易,佢話:“我都有睇返,我覺得自己做到都OK,但仲有好多好多進步空間,嗰陣囡囡先4個月,所以其實好難兼顧,因為我頭6個月都系全母乳,我最有印象就系都要喺公司泵奶。”

事關喺劇中張嘉兒幾乎都系以OL風亮相,好身材完美呈現,談及生完之後拍戲時身材依舊fit爆,佢就笑說:「嗰時都算系修身成功,希望今次都系,其實我系有Keep住游水,所以唔算肥到好多,都有塑形運動,肉肉都唔會太松,而且我生完三四個月就有做返運動,飲食方面都系食高營養嘅嘢。”

1983年出世嘅張嘉兒,喺9歲嗰陣就移民到加拿大溫哥華,直到2005年嘅時候,參加咗《溫哥華華裔小姐競選》兼夾贏得咗“神采飛揚獎”,喺2007年嘅時候,佢再戰《香港小姐競選》,兼夾贏得咗港姐寶座。

雖然入行到而家,張嘉兒發展一直平平,而且仲曾經因為“包包臉”而受到網民嘅抨擊,稱佢為“豬扒港姐”。

不過而家佢都遇上了寵佢如命嘅金融才俊,兼夾育有兩個可愛嘅小公主,一家四口幸福美滿。

不過張嘉兒喺拍攝完《婚姻合伙人》之後就已經冇新劇,佢就表示:「嗰套(即《婚姻合伙人》)之後冇拍過任何劇集,都會掛住拍戲嘅感覺,但系因為我好多時間唔喺香港,時間有啲難將就,但都想再拍劇嘅,不過都要睇下公司會唔會再搵我。”

唔理點樣,期待張嘉兒可以繼續畀我哋帶嚟多啲嘅精彩好作品,大家不妨一齊拭目以待!

發表回覆

你的電郵地址並不會被公開。 必要欄位標記為 *