畀《延禧攻略》洗腦!陳曉華晚晚瓔珞上身

應屆港姐冠軍陳曉華(Hera)及亞軍鄧卓殷(Amber)盛裝出席明珠台《Audi動力星期三》活動,二人表示都有煲劇習慣,Hera就話最近有跟住講《延禧攻略》的劇中台詞:「有啲對白係好肉緊,對住塊鏡講都覺得自己扮得唔似,但都想試下拍古裝。」

Amber就話以前煲劇只留意劇情以及男、女主角,現時都會留意如何演繹,希望之後做到一個同自己好大分別的角色,更透露由明天開始會一齊接受戲劇訓練。

講到Hera日前完活動後換上超短牛仔裙,露出一雙白滑修長美腿惹途人望,她笑話當日想去超市買水果,但突然醒起屋企仲有好多,才空手而回。

又講到參選後都以為出街冇人留意到自己,故經常素顏出動:「最近都有人喺街搵我影相,嗰時我係素顏,好彩個女仔用美顏相機,我諗之後都會化番少少妝、搽唇膏落街,唔好嚇親人。」身旁的Amber都話平時會化淡妝出門,返TVB素顏時都會戴帽。

本文轉載於東網
本站負責轉載以及潤色本文
如有侵權,請聯繫刪除

Like MisshkNews Facebook!不出门也能知天下事~

發佈回覆

你的電郵地址並不會被公開。