香港電影當年號稱東方荷李活，輝煌時期一年產出幾百部戲，因為演員比較少的原因，都造就咗唔少專業戶，比如僵尸道長專業戶、差佬專業戶、細佬專業戶等等，唔信一齊睇睇啦！
1、細佬專業戶：黃斌——細佬，顧名思義就系跟班，黃斌做過好多巨星嘅跟班，比如梁朝偉、劉德華、張學友等，大家最熟嘅應該系《賭神》嘅烏鴉，蘑菇頭造型印象比較深刻。同時，佢重喺《僵尸至尊》中做過九叔林正英嘅徒弟。 
近些年喺銀幕少見到黃斌，系因為佢早就轉做幕后，宜家系香港電影知名監制同制片人，國慶檔冠軍《無雙》嘅監制就系佢，而且重有之前嘅《頭文字D》《非凡任務》《竊聽風云》等影片佢都有參與。（由左到右，黃斌、于冬、莊文強） 
2、太監專業戶：劉洵——號稱千面如來，徐克御用配角，入行前曾系京劇大師，舞臺表演經驗好豐富。作為太監專業戶，塑造嘅每一個太監都各盡不同，各具特色，比如《九品架芝麻官》中和星爺互相對罵嘅李公公，仲有許冠杰版《笑傲江湖》中老謀深算嘅古公公，仲有《新龍門客棧》中心機頗深嘅大檔頭。 
大部分情況下，劉洵有須系正派，冇須系反派。單單喺徐克電影中就千變萬化，亦正亦邪，可以攪笑，可以心狠手辣！，而且表演毫無痕跡，堪稱真正嘅大師。90年代后期劉洵就淡出咗演藝圈，只系耐唔耐客串一下電影，近幾年都好少客串。 
3、衰仔專業戶：許冠英——許氏四兄弟，文武英杰，每一個都系人才，大佬許冠文開創無厘頭喜劇，推動香港電影粵語化，二哥許冠武專注幕后電影制作，最細嘅許冠杰喺影壇系、樂壇都取得咗非凡嘅成就。老三許冠英都算獨樹一幟，上演起衰仔冇人可比。 
早些年同大佬細佬一齊演電影，倒楣嘅系佢，到咗僵尸片中，成咗九叔林正英嘅徒弟，運氣依然系冇變好，畀僵尸咬嘅系佢，同女鬼煙韌嘅卻系秋生，你話慘唔慘。《僵尸先生》中九叔帶文才飲咖啡嗰段最攪笑，次次睇都忍唔住笑出嚟，只可惜呢對師徒都已經唔喺喇。 
4、僵尸道長專業戶：林正英——提到徒弟文才，點可能少得師傅呢？九叔林正英師承京劇名伶粉菊花，后來成為李小龍嘅左膀右臂，佢唔系片場嘅話，李小龍都唔開機。只可惜李小龍去世得太早，之后佢又走咗好多年龍套，直到《僵尸先生》先真正大火，自此成為僵尸片第一人，永遠嘅僵尸道長。 
香港電影演僵尸道長都有唔少，九叔林正英都唔系第一個開始演嘅，點解得九叔最畀我哋認可呢？噉系因為九叔林正英能夠給予我哋足夠嘅安全感，只要有佢喺到，任何僵尸同鬼都系手下敗將，基本上冇佢解決唔到嘅。重有就系九叔嘅冷幽默都系一大特色。永遠懷念九叔林正英！ 
5、鬼婆專業戶：羅蘭——九叔林正英同龍婆羅蘭竟然冇正經合作過一次，實在太可惜了，兩人王見王應該系幾刺激，真系想睇嚇到底邊位更勁？一般龍婆羅蘭出現嘅話，我哋就知道要鬧鬼，都算系提前預警，等我哋有準備。 
羅蘭入行比較早，喺演藝圈摸爬滾打幾十年，塑造過好多經典角色，一直演配角嘅佢喺2000年憑借《爆裂刑警》獲得香港電影金像獎最佳女主角，實在令人驚喜。羅蘭今年已經84歲嘞，一直未結婚，預佢將自己嫁給電影啦，呢份敬業令人敬佩。 
6、差佬專業戶：李修賢——張徹第三代弟子，當年簽約邵氏嘅時候，佢仲未18歲，喺家長嘅陪同下簽嘅。張徹自己都講，李修賢成功同佢無關係，靠曬佢自己嘅努力，不過李修賢卻冇忘記恩師嘅恩情，系最孝順嘅一個弟子。 
李修賢好鐘意當差，無奈家長覺得警察好危險，所以呢個愿望落空了，現實中李修賢做唔成差佬，電影中就成為咗差佬專業戶，呢都算系圓咗自己嘅夢想，聽講佢辦公室格局都系按照差館嚟設計嘅。李修賢當年都系電影圈一方大佬，提攜過星爺、大傻成奎安、張家輝等。洪金寶執導嘅《福星旅行團》中李修賢都有參演，讓我哋拭目以待啦！ 
7、“賤男”專業戶：曹查理——只要你系資深擁躉嘅話，就一定對呢位印象深刻，喺某啲不可描述嘅電影中，佢同徐錦江、鄭浩南等齊名，同葉玉卿、葉子楣等都合作過。當然呢度嘅“賤男”，主要系正常電影中嘅表現，比如《警察故事》系列中楚原先嘅跟班，一副十足十小人嘴臉，處處同成龍大佬作對。 
仲要特別提嚇，曹查理系張智霖嘅舅父，除此之外，香港影壇系有幾對舅父外甥組合，比如狄龍和林曉峰林海峰、曾江陳山河、尹志強梁漢文等。 
8、“西門大官人”專業戶：單立文——大家都知道黃家駒，佢嘅歌聲依然系影響住我哋，其中單立文系佢好友，家駒唔喺度嗰陣，佢系扶靈人之一。單立文曾系香港影壇最好嘅貝斯手之一，喺演戲上面都頗有建樹，前后五次出演“西門大官人”，可謂系形神兼備，睇過嘅都贊好。 
除咗“西門大官人”之外，佢重同星爺合作過《賭俠》，同王祖賢合作過《水滸傳之英雄本色》《城市獵人》《阿嬰》等，每一次嘅表現都比較搶眼，系一個好演員。 
9、社團元老專業戶：王天林——成日睇王晶同杜琪峰電影嘅，應該識王天林，多數都系出演啲社團元老嘅角色，比如《黑社會》中左右話事人嘅鄧伯，仲有《槍火》《奪帥》《暗花》等，同時《金錢帝國》《黃飛鴻之鐵雞斗蜈蚣》等片中都有佢身影。 
王天林來頭真系好大，都算系教父級別嘅人物，不特有一個優秀嘅仔王晶，仲有杜琪峰、林嶺東等大導演徒弟，仲有陳木勝鄭保瑞等徒孫。王天林最耀眼嘅身份仲系導演，執導過好多經典電影電視劇，最為我哋熟知嘅就系83版《射雕英雄傳》。 
10、賭片第一龍套跟班：“無名無姓”——提到香港電影賭片嘅話，自然系《賭神》《賭圣》《賭俠》《賭霸》呢幾部熟悉嘅片，呢幾部達叔全部參與過，不過除咗達叔之外，重有一位龍套都參與其中，細心嘅觀眾肯定發現到佢。 
比如《賭神》中陳金城嘅保鏢，《賭圣》中劉鎮偉嘅保鏢，要用槌打達叔嘅細佬，《賭俠》中大傻賭檔嘅看客以及最后賭船嘅看更，原本想阻撓星爺嘅，冇諗到畀星爺打暈咗。重有《賭霸》中依然系劉鎮偉嘅保鏢。如果有邊位網友知道名嘅話，還請告知！ 
明星其實冇幾多人，更多嘅系啲茄喱啡，路人甲等等，佢哋可能冇漂亮的臉蛋，深厚嘅背景，專業嘅知識，不過佢哋有着一份對做戲嘅熱愛之情，希望路人甲們都有一個好嘅出路！！！ 
Like MisshkNews Facebook！不出门也能知天下事～
