盤點TVB六位隱形富二代「筍盤」港姐

周星馳都講過,做人如果冇夢想同條咸魚有咩分別?但系冇錢點敢諗夢想,只要贏喺起步線先系王道。無線藝人都以人工低見稱,但仍然都有唔少藝人都甘心留喺無線奮斗,就好似「38億千金」黃翠如咁,爸爸系上市公司主席。其實除左翠如之外,仲有好多藝人家底相當雄厚,可以話個個都系「富二代」,可能驚畀講是非,所以個個都禾稈冚珍珠,有啲仲估佢唔到!

1.趙希洛-住8千萬半山豪宅
無線「御用癲婆」趙希洛2007年參選港姐,雖然五強止步,但就入左藝員訓練班。其實趙希洛喺屋企富裕,爸爸系澳洲大狀,有指同時喺澳洲經營石油生意,喺香港最低限擁有合共一億五千萬的物業。趙希洛自幼就喺英國讀書,決定返港選港姐后,父母就將八千萬半山豪宅供女兒入伙。

2.朱千雪-兩物業揸手
2012年港姐季軍朱千雪都系圈中的富二代,八歲就同屋企人移民到加拿大,畢業于西門菲沙大學(Simon Fraser University),有指千雪家做五金生意,十九歲嗰陣阿爸已經分別就送兩層位于小西灣藍灣半島同愉景灣物業畀千雪。到攝影完《EU超時任務》之后,冇經濟壓力的千雪就重返學校喺中大修讀企業傳播管理碩士,現正修讀緊香港城市大學法律博士。

3.陳凱琳-五千萬鋪頭收租
被譽為「近十年最靚港姐」的2013年港姐三料冠軍陳凱琳屋住九龍塘五千尺過億獨立屋,雖然參選的時候,陳凱琳好謙虛話自己嚟自中產家庭,但有消息指陳凱琳爸爸陳桂祥系「鋪王」,坐擁十幾個物業,更加手持三個超過五千萬的商鋪收租。

4.王卓淇-老竇開廠生產護膚品
身為2014年港姐亞軍的王卓淇喺《果欄中的江湖大嫂》入面的演出眼前亮,家底原來同樣雄厚。爸爸系護膚品生產商,喺內地經營廠房,參選港姐前,家人將王卓淇送去英國修讀經濟,之后,再轉去完成碩士學位。雖然得24歲,但已經手持大角咀一號銀海同廣州白云區600萬物業。

5.張寶兒-夾埋最低限有三億身家
張寶兒2016參選港姐奪得「友誼小姐」之后好快畀網民起底,原來張寶兒生于大富之家,爸爸喺禮頓山擁有多個物業,夾夾埋埋最低限有三億身家。張寶兒之前接受訪問的時候都有講過屋企人好錫自己,亦唔需要為屋企放棄想做的嘢,你話贏喺起步線幾咁重要。

6.雷莊兒-傳聞指老竇持過億物業
2017年度港姐冠軍雷莊兒畀網民笑為顏值低,不過樣貌決定唔到一切,最緊要家底好。原來雷莊兒的爸爸系香港十大杰出設計師雷葆文,身家好有錢,除左香港之外,海外都擁有唔同物業,有消息指總值過億,同時喺商界有頭有面。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *