破紀錄!TVB花旦為拍《法證先鋒4》連踩46鐘廠景

舊年憑借《宮心計2深宮計》中飾演“太平公主”一角,喺《萬千星輝頒獎典禮2018》中奪得“最受歡迎電視女角色”嘅陳煒,而家就忙住拍攝TVB嘅經典系列《法證先鋒4》。

TVB嘅《法證先鋒》系列可以講一直都系口碑之作。時隔7年,自從宣布《法證先鋒4》正式開拍后,網民紛紛表示十分期待!雖然演員卡士陣容大換血,但系幕后陣容依舊不變,相信今次嘅選角都一定會碰撞出不一樣嘅火花!

觀眾們睇劇時覺得過癮,但系一眾演員喺背后嘅付出,卻好辛苦。日前《法證先鋒4》就正在緊密拍攝當中,而其中嘅主演之一陳煒更加系仲刷新咗一個新紀錄,完成咗連續46鐘廠景嘅拍攝!

咪講住系拍戲,就算系正常蒲,通宵一晚都已經感覺頂唔順,更加唔好話系要全神貫注咁去醞釀情緒拍戲,仲要系連續46鐘。對于TVB嘅演員,misshk真系好佩服。

較早前嘅采訪中,陳煒就曾經表示自己只要一進入工作嘅狀態就唔會瞌眼瞓。佢話:“喺入行開始到而家幾攰都系噉,因為我覺得瞇一下之后再埋位,成個人會好唔清醒,成個狀態會離開咗。”

就正如陳煒喺拍攝《宮心計2深宮計》嗰陣一樣,佢話:“喺呢部戲里面,我起碼試過十幾次頭系連咗三日戲,即系無洗頭無拆頭,噉先可以爭取到三個鐘頭去瞓覺。算系入行以嚟最辛苦。”相信經過《法證先鋒4》,《宮心計2深宮計》就成為咗第二辛苦!

今次陳煒更加系再創新高,46個鐘內拍攝咗30幾場戲,佢話:”其實唔系全部都有我份嘅,中間有幾場系拍康華同鄭子誠,噉我哋嘅時間我都叫做系可以休息。不過我就無用嚟瞓覺,我用咗啲時間睇劇本。” 如misshk上文所言,連續直踩46個鐘并非個個都可以做到,相信大家唔多唔少都有意見,不過幾乎系陳煒主場嘅佢就一句都無講過,佢敬業精神,更加系令在場嘅所有員工都心悅誠服,佩服至極。

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *