秘婚?TVB小花揚言派利是畀拍檔,入行十年憑臺慶劇備受關注

TVB臺慶劇《是咁的,法官閣下》自播出以來一直口碑都不俗,加埋劇中一眾演員嘅落力演出,更加系畀觀眾帶嚟眼前一亮嘅感覺。喺一個劇組中一同拍戲成長,演員們都成為咗好友,感情增進唔少。

咁喺劇中飾演初哥律師嘅王梓軒,同林秀怡自從拍完劇集后都變得老友鬼鬼,較早前仲一同畀邀請出席網絡平臺訪問,加埋臨近圣誕,佢哋都預早同粉絲們一同慶祝圣誕節嘅到來。

而王梓軒喺訪問中都大贊拍檔林秀怡,佢話:“其實佢表面好似好嘻嘻哈哈,一埋位工作就好認真,不論個角色戲份多與少,都會有自己嘅一套。今次同佢一齊上節目,搞到主持都冇心機,因為我同佢都有做開節目主持,搶咗對方嘅對白,主持人都話輕松唔會擔心死氣沉沉。”

而林秀怡都大贊王梓軒音樂才能,佢話:“拍劇先同王梓軒認識,嗰時以為佢只系識音樂嗰類,點知拍完之后先知佢系一個才子,除咗音樂上佢可以畀意見我,討論股票投資都可以搭嘴,佢真系咩都識。”

兩個人喺節目中不斷“互戴高帽”,互相贊美,林秀怡仲表示王梓軒嘅“奉承話”講得好好,要派利是報答佢。不過,連隨就引來眾人嘅歡呼,更笑話佢已經秘婚,梗系啦,雖然系玩笑,但都系希望林秀怡可以早日傳出好消息。

其實林秀怡進入TVB都成十年嘅時間,演技嘅進步大家都系有目共睹,據悉,喺跟住落嚟嘅新劇《婚姻合伙人》、《十二傳說》中均有份參演,唔知到時佢又會畀我哋帶嚟點精彩噶演出呢?

Like MisshkNews Facebook!不出门也能知天下事~

發佈回覆

你的電郵地址並不會被公開。