結婚一周年!前港姐一家去法國享天倫

前港姐李美慧,原本只系一個寂寂無名嘅TVB演員,但舊年嫁比自己年長25歲身家百億商人嘅曾文豪,兩個人喺香港舉行咗一場奢華嘅婚禮,正式結為合法夫婦。

同年10月,李美慧又報喜為老公誕下愛女「小糖心」,一家三口過住幸福美滿嘅生活,令人羨慕。

轉下眼,李美慧與老公結婚已經一周年,為咗慶祝呢個甜蜜嘅紀念日,一家三口日前就飛去法國格拉斯旅行,暢游一番。

李美慧喺社交平臺曬出幾張旅行靚相,相中可以睇到曾文豪全程攬住B女唔離手,父愛爆棚!唔怪得幸福人妻李美慧冧爆留言:「結婚一周年,我們這一家,充滿愛。」網民都紛紛點贊,并叫李美慧一定要繼續幸福落去!

據悉,1987年出世嘅李美慧原名叫做李斯庭,佢系屋企獨生女,早年畢業于北京舞蹈學院民族舞大學,之後就參加《中華小姐環球大賽》,雖然最後落選,但佢仍獲得最佳才藝小姐殊榮。

三年後,李美慧再戰《香港小姐競選》,今次同樣落選嘅佢卻獲得咗無線高層賞識,安排佢入讀第21期無線藝員訓練班,畢業之後李美慧正式出道,投身香港演藝圈發展。

出道初期,李美慧主力拍劇,不過基本都系茄喱啡,偶然都會去做節目主持或者助手等工作,眼睇星途平平,李美慧喺2012年約滿離巢發展,并馬上加入香港電視網絡旗下,不過同樣三年合約期滿之後,佢又離開香港電視,重返無線。

返巢之後,佢接拍嘅首部電視劇系《愛回家之開心速遞》,令李美慧人氣急升,近年,李美慧陸續參演《不懂撒嬌的女人》、《宮心計2深宮計》、《鐵探》等,雖然戲份唔多,但角色發揮性強,成功令觀眾留低深刻印象。

而家,雖然李美慧已經成為百億闊太,但卻依然堅持自己心中嘅演員夢,跟住落嚟嘅多部劇集中都有份參演,比如《法證先鋒4》、《丫鬟大聯盟》以及《包青天之再起風云》等,各位粉絲千祈唔好錯過!

Like MisshkNews Facebook!不出门也能知天下事~

發佈回覆

你的電郵地址並不會被公開。