結婚18周年,前「宅男女神」與圈外老公出埠旅游慶祝:簡單就係幸福

現年51歲「宅男女神」嘅王馨平今日迎來與圈外老公李家輝結婚18年周年紀念,為咗慶祝兩公婆決定出埠去泰國布吉島暢游一番。

今日,王馨平現身社交平台曬出與老公嘅恩愛合照,相中可見兩個人好甜蜜,羨煞旁人。

王馨平仲留言話:「今日追月,熱烈慶祝我哋結婚周年!」眾多好友同大批粉絲都紛紛留言送上祝福,有網民翻出王馨平當年出嫁嘅舊相,同今日嘅新相對比,發現兩公婆都保養得宜,未知道幸福婚姻係唔係兩個人嘅「凍齡」秘訣呢?

據悉,王馨平早喺2001年宣佈同金融才俊李家輝結婚,結婚之後王馨平就宣佈淡出娛樂圈,一心做老公背後嘅女人,將家庭打理得井井有條。

近年,王馨平開始轉行做瑜伽師,得閒亦會接登臺商演,兩公婆一路走來,一直都默默支持對方。

記者聯繫上王馨平送上祝福,問到平時與老公點樣維持幸福婚姻關係?身為幸福人妻嘅王馨平就表示:「除咗係夫妻,我哋互相都係對方好朋友,呢個應該好重要啦!」

認真係一言驚醒夢中人,喺現實中,試問又有幾多夫妻可以做到既係伴侶亦係無話不說嘅密友呢?

傾到兩個人結婚18年嚟,一直都冇生下一兒半女,問到係咪一早有共識要過二人世界?對此,王馨平坦言,對于生仔,夫妻之間一直都唔強求,并強調雙方嘅價值觀一致。

係人都知道,王馨平曾經係紅極一時嘅女歌手同演員,佢代表作有《別問我是誰》、《問你問我》、《伴你一生》同《生命有價》等,到而家仍然久經不衰,傳唱度好高。

當年,王馨平同劉小慧、黎瑞恩、湯寶如、周慧敏、關淑怡、陳慧嫻并稱「寶麗金七小花」,人氣好高,係無數宅男心中嘅夢中女神。

除此之外,王馨平試過與TVB人氣視帝鄭嘉穎有過一段情,當年已經聲名大噪嘅王馨平同仍然係無名小卒嘅鄭嘉穎拍拖,因為遭到王父極力反對,兩個人最終喺拍拖六年之後,于1998年正式分手收科。

而家,鄭嘉穎早已經結婚生子,而王馨平嫁李家輝後雖然膝下無兒女,但一直深受老公寵愛,兩個人雖然做唔成情侶,但到而家卻仍然保持好朋友嘅關係,經常都會見面互相鼓勵。

發表回覆

你的電郵地址並不會被公開。