結婚4年仲未升呢做老竇,人氣男神直言:一切隨緣

日前,藝人徐天佑出席咗「GoWild出走西澳」推廣活動記者招待會,不過活動上佢就表示自己曾經到澳洲拍攝過鐵路嘅特輯,但從未去過西澳,因此有機會嘅話,都希望可以去西澳一游。

佢話:「上次都系類似,有時行程系辛苦一啲,冇點去玩,不過前後可以stay耐一啲,就可以去一啲平時好難去到嘅地方。」

至於會唔會帶上太太一齊前往西澳,徐天佑馬上笑說:「佢去就享受,上次澳洲佢都有去,佢就去完一啲正嘅地方,send啲相畀我睇,但我就做嘢,日日5、6點起身,拍十幾個鐘,見到佢日日羅住一袋二袋返嚟講好辛苦,我就話系邊個更辛苦啲,但系其實系開心嘅,同老婆一齊去做野。」

不過傾有冇希望同老婆二人世界甜蜜度假,徐天佑就透露:「其實我哋啱啱先一齊去完歐洲同埃及金字塔,不過玩咗幾日就趕住返嚟,因為要做嘢,忙住舞臺劇,8月份上演,會加場,我就同佢哋講賣得幾好,系咪應該獎勵去旅行。」

徐天佑最近工作密密,跟住要熟讀劇本,之後英國導演返嚟再排練,至於仲有冇時間同太太「造人」,徐天佑就笑說:「真系隨緣。(想唔想?)隨緣,而家慢慢變得隨緣,因為真系好忙,呢兩年不斷做嘢,年尾仲有三套戲上,賺多啲錢先,之後安排時間留畀家庭。」

1983年出世嘅徐天佑系樂壇組合shine嘅成員之一,喺日本修學半年之後返香港就正式入行,除咗系歌手身份之外,徐天佑都參與拍攝咗幾部電影,都大獲好評。

比如《這個夏天有異性》、《地下鐵》、《五個嚇鬼少年》、《春天花花同學會》、《校墓處》、《內衣少女》、《志明與春嬌》、《八星抱喜》、《同班同學》、《風再起時》、《恭喜八婆》等。

唔理點,期待徐天佑可以早日傳出好消息,都期待佢繼續畀我哋帶嚟好作品,加油!

發表回覆

你的電郵地址並不會被公開。 必要欄位標記為 *