缺席臺慶晚會,前港姐宣佈唔做「TVB親生女」

呢幾年TVB有唔少小生花旦相繼離巢,備受力捧嘅「十優港姐」麥明詩(Louisa)為咗自由身,放棄做無TVB「親生女」,改簽一年一騷嘅「綠葉約」。

出身小康之家嘅麥明詩,佢唔想浪費苦讀多年嘅法律知識,加埋舊年喺美國考獲執業律師資格,麥明詩唔介意收入大減,準備轉去律師樓做顧問,重拾最熟悉嘅老本行大展拳腳!

麥明詩喺2015年以高學歷姿態出戰香港小姐,英國劍橋大學法律系畢業加埋儀態大方外表靚麗,以大熱姿態順利摘冠。

麥明詩加入TVB之後亦平步青云,首年履行完港姐職務之後,翌年就獲好多工作機會,又拍劇又做主持,備受TVB力捧。

其中麥明詩同馮盈盈主持嘅節目《#後生仔傾嚇偈》,因為內容大膽、貼地,大受後生仔歡迎,同時又接拍《是咁的,法官閣下》、《使徒行者2》等電視劇。

麥明詩備受TVB力捧,理應學師妹馮盈盈簽長約留喺公司拼搏,不過佢最近宣佈唔做「TVB親生女」,改簽一年一騷嘅「綠葉約」。

事關麥明詩呢段時間突然消失幕前,已好耐冇現身錄影《#後生仔傾嚇偈》,而佢亦喺社交平臺講過自己心情低落,已經請假一個月到沖繩潛水散心,連一年一度嘅臺慶都缺席。

麥明詩表示:「目前仲放咁假,將來有時間同機會都會返TVB拍節目,并喺社交平臺以英文留言指”唔好因為怕失去而唔再奮斗“,相當勵志!」

發表回覆

你的電郵地址並不會被公開。