老公陪伴對抗癌魔!「大小姐」林淑敏平凡卻真摯嘅愛情故仔

【文章最後有林淑敏抗癌經歷】

邊個女藝人唔想自己喺鏡頭前好光鮮,但《愛回家之開心速遞》嘅大小姐龍力蓮每一集都少不免要瞪大眼、咧開嘴將下屬闹到一只屐噉,佢的嘴臉實在系骨灰級恐怖。

令人驚到缺氧的老板個女同花心富家公子分手之后,暗戀下屬送水輝,為咗多見佢幾面,不惜作故仔、買初戀套餐送卑對方。但現實中嘅林淑敏唔需要講大話,唔洗錢買虛擬感情,就可以坐擁最真摯動人嘅愛情。

喺套戲入面,大小姐一路畀送水輝神魂顛倒:「佢望住我,好「打耳」呀!」一提醒自己唔可以畀對方美色迷惑。現實中,林淑敏嘅愛情經歷一直系簡單而平穩,當中冇太多掙扎,直到2010年確診患上癌症。

2000年,舉家移居美國嘅林淑敏只身返港參加港姐競選,同年同男友陳中原相戀,展開一段愛情長跑。男友比林淑敏大3年,思想成熟,心中雖然認定女友系結婚對象,卻默默咁等待最佳時機。

乜系結婚嘅最佳時機?呢個話題,林淑敏應該冇太多時間去諗,30歲前后嘅佢,為咗賺錢,日間當文職,晚上拍劇,連休息時間都唔夠,結婚大概系好遙遠嘅事情。因為好忙,林淑敏嘅健康開始出現問題。

率先來襲嘅系甲狀腺毛病,嗰時林淑敏每朝早一瞓醒就會摸摸眼,如果冇凸出嘅情況,就安樂繼續上班。冇幾耐之后,揾上門嘅系乳癌。2010年,當時佢演出嘅角色戲份唔多,有D連名都冇,呢位系大學讀電影研究嘅演員,重靜待發揮嘅機會。面對危疾嘅打擊,佢不禁問:「點解系我?」

喺套戲入面,見到公司銷售員腳傷要包扎,大小姐冇慰問,只系下令對方顧全公司嘅形象,包扎傷口一定要使用透明膠布。現實中嘅林淑敏面對生cancer逆境,卻不忘換位思考,為咗男友嘅未來著想,佢忍痛提出分手。

林淑敏從商嘅男友陳中原,系個性情平穩嘅男人,雖然咁,當佢得悉女友確診嘅消息,不禁眼眶泛眼水。女友話,既然唔知未來境況點,大家都系做朋友啦!但陳中原唔覺得佢今次嘅患病會將佢哋分開。

當時,陳中原最在意嘅系女友喺治療期間的狀況。當佢見到林淑敏除咗甩頭發之外,依然系可以吃好瞓好,人重肥咗又靚,一切如常,佢都就安樂。療程完成后嘅某天,陳中原問林淑敏:「你覺得應該幾時結婚?」

相戀多年以嚟,男友一直重視林淑敏嘅感受、尊重佢嘅諗法,將自己嘅擺喺后面。當女友患病,佢態度依舊。呢個女友系娶定,邊驚見到佢頭發甩清光,邊驚佢大病后未必有能力生育。

林淑敏話,男友支持佢到呢個地步,即使佢好明顯系做錯咗,佢都會尊重。咁樣一個二十四孝老公,林淑敏緊緊擁住喇。喺6年前,佢哋結束十幾年嘅愛情長跑,牽著手走進教堂,林淑敏喺感恩眼淚陪伴下成為陳太。

喺林淑敏眼中,老公好到冇聲出。要陳中原畀太太打分,佢話有200分。噉甜蜜溫馨嘅場口,如果讓大小姐龍力蓮有個堅強外殼、渴望愛情滋養嘅女子見到,應該又會好甜蜜喇。大小姐心中已為送水輝暗中留咗位置,佢可以好似林淑敏一樣擁有良緣嗎?

喺套戲入面,龍力蓮同見就想嘔嘅曹總喊話:「我脾氣好臭呀,成個宇宙都知!」如果編劇大佬高抬貴手成其好事,《初戀無限Feel》溫柔可愛嘅龍小蓮,或者可沖出虛擬世界與兇惡霸道嘅大小姐合體,成就驚天動地嘅情節呢。如果可以同送水輝走進教堂,大小姐喺佢大日子會忍得住唔鬧人嗎?

35歲前港姐林淑敏身患乳癌 一晚頭發甩曬

Like MisshkNews Facebook!不出门也能知天下事~

發佈回覆

你的電郵地址並不會被公開。