肥姐沈殿霞逝世13年,你教我嘅我都記得

2008年2月19日肥姐沈殿霞因病離世,自此鄭欣宜獨自喺香港生活,佢亦無辜負肥姐期望,2016年憑借《女神》橫掃四部冠軍,并首奪叱吒樂壇我最喜愛女歌手大獎。

喺肥姐逝世13年之日,鄭欣宜曬出當年大學畢業相話:「你教我嘅我都記得,請放心。」

鄭欣宜留言話:「13年前我許落咗一個承諾:我會爭氣,我會乖,我會努力做一個有用嘅人。」

鄭欣宜話:「講返細個嗰陣自己係以小聰明讀書,成績越讀越低。我讀高二嗰陣媽咪更專登暫停所有工作到加拿大陪我,我記得佢見到我分數時,佢冇打、冇鬧我。」

鄭欣宜話:「媽咪反而只係細聲咁同我講咗一句話,你要靠呢啲分數考大學嘅,當時我真系對自己好失望,我真係寧愿佢鬧我、打我。」

鄭欣宜諗返當日媽咪嘅教誨,佢話:「我冇特別爭氣,我冇特別乖,仲好似越嚟越唔聽話,我亦唔覺得我做到一個有用嘅人,但我一定有努力。i’m trying.. i’m on my waythere……你教我嘅我都記得。請放心。 」

Like MisshkNews Facebook!不出门也能知天下事~

發佈回覆

你的電郵地址並不會被公開。