萬聖節群魔亂舞,個個都別出心裁

尋日係萬聖節,又係一眾藝人群魔亂舞好時機,真係要錫士有錫士,要認真有認真,務求突圍而出,下面一齊嚟盤點下一眾藝人!

最錫士

一定要講陳自瑤,佢大玩女仆Feel,仲有著住魚網絲襪,一對長腿更加迷死人,唔怪得唔少網民都留言講鼻血已流!

最有心

今年大熱日本漫畫《鬼滅之刃》令全城瘋狂,而出名夠仙氣嘅何依婷就扮禰豆子,無論服裝造型同個樣,都跟足原著,非常認真。

最神似

林夏薇雖然係女兒身,但身為“眼鏡娘”嘅佢著起法術袍,就似足哈利波特,佢仲留言話:「呢個Look係期間限定,彌足矜貴呀!」

最隨意

最隨意嘅一定係《愛回家之開心速遞》一眾演員,湯盈盈呂慧儀等人為咗應節,靠用App整色整水,唔怪得畀網民話Hea爆!

Like MisshkNews Facebook!不出门也能知天下事~

發佈回覆

你的電郵地址並不會被公開。