TVB嘅藝人可謂個個都系多才多藝，唔少藝人甚至喺歌影視方面都好好嘅發展。日前，多數都系主持節目嘅朱智賢就踩入戲劇組開始接拍咗幾部劇集，對于做戲經驗少之又少佢嚟講，無疑系一個好大嘅挑戰。
咁朱智賢喺最近嘅劇集中就系飾演一個女強人類型嘅角色，佢就話：“同好多前輩一齊合作，塞咗好多錢入我袋，我喺局里面演一個強勢女強人，年紀唔系好大，但做到電視臺高層，次次走出嚟都好有自信，咁樣我覺得好困難，因為我未有去到自信爆棚，好彩我本身外形比較高大，嚇到人。” 
而今次佢仲要嘗試“打人”嘅戲碼，同佢對戲嘅更加系TVB嘅力捧花旦李佳芯，演技“BB班”嘅朱智賢便擒青向緋聞男友謝東閔請教，佢話：“我客串一部戲，嗰場戲我要掌摑李佳芯，我唔識打人，佢教我點樣可以打得好響，但又唔會真正打到人。拍劇方面，我真系超級新人，系BB班開始。” 
講到朱智賢，1986年生嘅佢曾畢業于迦密唐賓南紀念中學，就讀奧克蘭大學同香港科技大學，直到2012年，朱智賢便報名參加咗香港小姐嘅選舉，雖然未能入圍初賽，喺2013年再戰港姐嘅佢成功入圍二十強佳麗之一。 
獲得賞識嘅佢喺選美結束之后就進入到TVB，主要擔任TVB娛樂新聞臺主持嘅佢因為喺《3日2夜》中展示其豐滿嘅身材而引起熱議，獲得網民嘅熱捧。 
不過，原來朱智賢都曾經質疑過自己系吾系適合娛樂圈，佢就話：“我以前系嗰啲見到鏡頭會震嘅人，做live時會手震，現場倒數我就唔記得對白，就系所謂‘發臺瘟’！系娛樂部鍛煉我，令我今時今日可以做到主持人。” 
據悉，喺跟住落嚟嘅劇集《白色強人》、《救妻同學會》中朱智賢均有份參演，大家不妨一齊拭目以待！
Like MisshkNews Facebook！不出门也能知天下事～
