落選港姐再強調單身:否認與前男友復合!

今日,TVB人氣小花湯洛雯現身出席活動,受訪時,提到較早時與前男友羅天宇外出飛挪威,齊齊拍攝人氣節目《3日2夜》,畀一眾網民再牽紅線求復合!

對此,湯洛雯馬上笑言與對方目前只系好朋友嘅關系,并非情侶。

之后,湯洛雯轉移話題,指呢次旅游與北極光冇緣:「又遇到唔系幾好嘅天氣。(下次再同佢一齊去?)呢啲地方去一次就夠啦。

(你哋互拍好Sweet,感情有升華?)工作人員未Set好機,所以就自拍一下,升華做更加好朋友,一直都系好朋友。(還系你有新感情?)一直都單身,都有去嘗試識新朋友,但發展嘅人就未有。」

問到會唔會再考慮與舊愛發展?湯洛雯就直言無力招架,又無端端喺現場吟詩,好攪笑!佢話:「舊愛隨風飄!順其自然。(羅天宇之前受訪話將來嘅事邊個都唔知道!)如果真系要逆流返嚟都冇辦法,但我而家仲系單身。」

現年32歲嘅湯洛雯,系TVB現時力捧嘅人氣小花之一,佢系前亞視演員湯鎮宗長女,佢系前TVB當家小生湯鎮業嘅侄女。

據悉,湯洛雯早年畢業與倫敦主修心理學,2012年佢參加香港小姐競選,當年一度成為冠軍大熱人選嘅佢,人氣好高,備受外界關心,最後落選港姐,止步六強。

儘管如此,佢都獲得無線賞識簽約旗下出道,次年就被安排接拍處境劇《愛回家》,喺劇中佢飾演“李思思”一角。

2014年,備受力捧嘅湯洛雯又加入人氣節目《學是學非》做主持之一,因此人氣急升。

近年,湯洛雯主力拍劇,到而家佢已經參演過唔少劇集,而且戲份越嚟越重,作品包括《完美叛侶》、《燦爛的外母》、《城寨英雄》、《與諜同謀》、《心理追兇》、《同盟》、《翻生武林》、《逆緣》以及《再創世紀》等。

期待湯洛雯繼續為觀眾帶嚟精彩作品!

發表回覆

你的電郵地址並不會被公開。 必要欄位標記為 *