落選港姐宣布懷孕五個月 與TVB小生何廣沛系同班同學

2012年落選港姐陳華鑫喺今年1月同拍拖6年嘅圈外男友周國榮結婚,日前佢挺住大肚同第26期藝員訓練班同學嘅飯局,開心報喜而家已經懷孕五個月。

佢爆老公好心急做老豆,仲用毛公仔扮作湊BB,佢哋已經忙于選購臊蝦仔用品迎接新家庭成員。陳華鑫就未透露胎兒嘅性別,話無論系個仔或者女都同樣中意佢,表示佗B佗得好舒服,預產期喺今年嘅12月,而家冇嘔吐唔舒服。

陳華鑫同何廣沛系藝員訓練班同學,當年鄭丹瑞系佢哋嘅校長,師生感情依舊好好,大家得閑嗰陣都保持住聯系。日前為何廣沛慶祝30歲生日聚會上,導師鄭丹瑞都有出席。

佢知陳華鑫有喜好開心,笑言自己就快有契孫嘞:“好開心,我一年做TVB訓練班嘅校長,就系第26期無線藝員訓練班,一班學生好似何廣沛,到而家都仲成日有聯絡,畢業五年,佢哋平時有咩問題都會走來問我嘅意見,大家感情好深厚。”

現年27歲陳華鑫,喺2012年參選香港小姐競選(當年嘅港姐冠軍系張名雅,季軍朱千雪,亞軍黃心穎),如同其他落選港姐一樣,佢入讀第26期無線電視藝員訓練班并畢業,從低做起。

喺2014年《貓屎媽媽》飾演丁小美受到唔少觀眾注目,2016年喺文偉鴻執導網劇《性在有情》飾演女主角陳敏之嘅妹,系其入行以來最多戲份嘅劇集,其后重喺《巨輪II》同《來自喵喵星的你》《幕后玩家》等多部劇集亮相。

因佢天生baby face!重畀高登網友封為仙氣女神!

Like MisshkNews Facebook!不出门也能知天下事~

發佈回覆

你的電郵地址並不會被公開。