落選港姐憑TVB處境劇帶攜紅出香港,密密穩錢:可以豁出去

TVB處境劇《愛·回家之開心速遞》嘅成功入屋,可以講系帶攜劇中一眾演員都人氣急升,不過較早前宣布暫時退出《愛·回家》劇組嘅謝芷倫,更加系牽扯咗唔少觀眾嘅心,紛紛大呼唔舍得!

紅到出澳門嘅謝芷倫,喺春節期間,更加系頻頻去澳門出席登臺活動,唔單止畀邀請為國際帆船賽事拍攝宣傳片,更有機會擔任表演嘉賓,大開金口獻唱,密密「搵真銀」。

1988年生嘅謝芷倫,喺中學畢業之后就到澳洲麥覺理大學升學,喺工商管理系學士課程修畢之后就回流到香港,開始涉足演藝圈。知道2014年先參加《香港小姐競選》兼夾以大熱嘅姿態進入到決賽,正式加入到TVB。

多才多藝嘅謝芷倫,喺讀書期間都已經參加過唔少嘅歌唱比賽,不過要講以藝人嘅身份再次上臺唱歌,對于佢嚟講都系好特別嘅經驗。

佢話:「自己都好鐘意唱歌,以前都有玩開唱歌比賽,但嗰陣好緊張唔識得享受,始終想喺比賽上有好成績。反而而家登臺可以幾大就幾大放松心情,覺得好唔同。」

而謝芷倫喺中學時期,都曾經擔任過田徑副隊長,運動表現出色嘅佢,喺成為藝人之後都有亮相喺唔少嘅體育活動,不過可以出海中心近距離欣賞賽事,都系比較少有。睇到賽場上運動員嘅颯爽英姿,唔知謝芷倫系咪會想一同下場“競技”一番呢?

話又返嚟,謝芷倫喺就加入到TVB后,亦都參與拍攝過唔少嘅電視劇集,比如《一屋老友記》、《幕後玩家》、《迷》、《我瞞結婚了》、《與諜同謀》、《踩過界》、《超時空男臣》、《同盟》、《誇世代》、《宮心計2深宮計》等。

據悉,喺跟住落嚟嘅新劇《堅離地愛堅離地》、《白色強人》、《牛下女高音》、《法證先鋒4》、《致所有愛過的人》中謝芷倫均有份參演,唔知到時佢又會畀我哋帶嚟點精彩噶演出呢?大家不妨一齊拭目以待啦!

發表回覆

你的電郵地址並不會被公開。 必要欄位標記為 *