落選港姐無懼工資低,有意加入TVB拍戲做主持

《香港小姐2019》競選已經圓滿結束,其實除咗冠亞季軍之外,其他嘅落選佳麗都有機會簽約TVB。據悉,宜家TVB已經開始與佳麗們傾簽約加盟TVB。喺比賽之前畀視為大熱門,今年25歲嘅蔡嘉欣雖然落選港姐,但都有份畀邀請去簽約。

據了解,蔡嘉欣本身就係一個網紅KOL,喺比賽之前社交平臺就有10萬粉絲,所以人氣好強,甚至比好多藝人粉絲仲要多,如果佢真係同TVB簽約,拍劇又主持節目嘅話,相信都有好多粉絲會去捧佢嘅場。

最近,蔡嘉欣喺接受訪問嘅時候,表示同TVB傾緊簽約事項。問到係咪會介意人工低,蔡嘉欣話:“我最主要嘅唔係考慮人工,而係考慮演出機會。”

蔡嘉欣表示加TVB之後,拍劇主持兩樣都想嘗試,但會繼續做網紅以及經營網店生意。佢話:“一定會繼續喺社交平臺同大家分享,網店一定會繼續做,因為要搵錢食飯,不過會請人幫下手。”

喺比賽嗰晚,蔡嘉欣知道自己入唔到三甲之後,佢表示早就預料到自己嘅成績係得唔到獎。佢話:「因為今年嘅佳麗其實都好好,要我揀真係好難揀。另外,我從參選以來形象都唔係好傳統,係比較創新類,我覺得可能係呢個因素,讓我冇攞到獎。”

蔡嘉欣更表示自己係一個相信命運嘅女仔,冇攞到三甲并冇感到可惜。佢話:“如果命運覺得我今日攞唔到三甲,係對我人生嚟講更加好或者更啱嘅,我會深信命運,如果我命中註定係得唔到,我都唔會強求。”

蔡嘉欣雖然落選港姐,但心情冇受到太大影響,選美結束之後即刻約埋朋友出海滑水。

misshk覺得蔡嘉欣呢位落選網紅港姐,簽約TVB之後相信佢會有更好嘅發展,加油加油。

發表回覆

你的電郵地址並不會被公開。 必要欄位標記為 *