落選港姐背景大曝光,除咗係冠軍表妹仲係……

應屆港姐冠軍謝嘉怡當選之后備受注目,隨即佢嘅童年相、父母年齡都被曝光。港姐決賽嗰晚慶功時,大家仲發現應屆落選港姐源菲然原來係謝嘉怡表妹!

源菲然率先簽約TVB,而且更即刻獲TVB安排加入《換命真相》劇組拍攝。源菲然話:「我喺新劇雖然冇對白,但我一直以做演員為志向,認為呢次係學習做戲嘅機會,真係好開心呀~」

講到源菲然,其實佢喺南非出世英國讀書,參選期間佢未公開同謝嘉怡嘅關係,令外界相當意外。

呢日源菲然喺社交平台曬出「爸爸上電視」,雖然源菲然專登用Emoji遮住爸爸個樣,但明顯係香港開電視節目《難得有傳人》。

呢一集係由蔡瀚億訪問「源吉林」第七代傳人源樂明,令人驚覺原先來源菲然係百年老字號品牌后人。

節目中源菲然老竇源樂明直言以前一直喺英國生活,后來爸爸病危,自己先喺七年前臨時接手家族生意。

源菲然喺英國讀書畢業之后,決定返香港參選香港小姐,雖然身為百年品牌后人,但佢相當低調,社交平台都係一啲平時生活相,亦未見佢放出父女合照,好似唔想人哋知道自己嘅背景。

唔理點樣,都係希望源菲然喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。