落選港姐著校服扮學生妹現身回應，一早睇穿黃心穎？

2018年落選港姐工藤佑采，受邀請去ViuTV拍攝節目《夜吹-女學生吹水班》，著校服扮學生妹現身，自從落選之後佢差唔多消失咗有一年。

佢話喺呢段時間做咗OL，幫朋友做生意，現時屬於自由身，但係對幕前仲有興趣：“拍劇同電影都有興趣，唱歌跳舞就差少少。”

問到TVB有冇聯絡佢嘅時候，工藤佑采顯得避忌：“唔方便講，呢一個話題最好唔講，佢哋未必鐘意我講。”

對於有網民贊佢係先知，贊佢睇黃心穎好准。佢話：“有時準，有時錯，可能有時我覺得佢好衰，但又幾好。”

落選港姐工藤佑采曾經同黃心穎，因為黑面事件喺網上爭鋒相對，當時佢鬧黃心穎借自己見報。

工藤佑采仲話：“你堂堂香港小姐，連閱讀理解都唔識？真系叻豬！黃小姐，你唔使咁護主心切！”而黃心穎當時反擊道，自己根本唔想同工藤佑采扯上關系。