每日準時8點，翡翠臺嘅熱播大劇《愛回家之開心速遞》，系misshk每日都要追住睇嘅劇集，每一個角色嘅性格特點都好有趣、得意！
精明刻薄嘅大小姐同憨厚老實嘅細佬Terry形成一個鮮明嘅大反差，兩姐弟仲有舅夫KC大房一家真系好過癮！ 
特別系四肢發達由香港藝人李偉健扮演嘅Terry，思想單純到好似小朋友一樣；佢憑住呢個角色成功彈起爆紅，演技備受好評！ 
后尾李偉健索性將Terry作為自己嘅英文名，成為TVB嘅人氣小生。 
李偉健，1978年11月4日出世，2009年參加《香港先生選舉》，落敗之后加入無線電視！ 
唔不得Terry嘅身材咁好，原來曾經參選過香港先生，佢入行到而家啱啱好10年，不過星途發展一般般！ 
咁多年嚟，其實佢已經參演過好多部劇集，但基本上演嘅都系閑角小配角，所以并無畀觀眾留下印象！ 
例如《為食神探》、《同盟》、《超時空男臣》、《老表，畢業喇！》、《雜警奇兵》、《誇世代》以及《宮心計2深宮計》等。 
喺演藝事業上發展平平，但其實佢都無進入娛樂圈前，已經系一個多才多藝嘅男生；健身之余仲系一個漫畫高手！ 
佢曾經連載過雜志漫畫，擔任漫畫導師嘅工作足足長達8年，可見佢畫功真材實料嘅；最近仲同香港一商場合作設計漫畫人物！ 
據了解，商場內擺咗多個由佢設計嘅漫畫造型人物，Terry話：今次好開心可以同商場合作，將我繪畫嘅公仔融入佢哋商場嘅布置內，好有過年嘅氣氛！ 
而家李偉健已經慢慢噉開始出名，喺呢個事業上升嘅關鍵時期，佢都做咗一個大膽決定——結婚！ 
2018年10月，佢同拍拖十幾年嘅圈外女友阿寶結婚啦！ 
佢仲特別為咗結婚婚設計自己同老婆嘅專屬卡通公仔，仲製成兄弟姊妹團嘅襟花、紙版公仔擺喺現場，好有愛！ 
婚禮當日，《愛回家》一班演員以及TVB藝人好友拉隊到賀，仲幫Terry做兄弟團，場面既熱鬧又感動。 
大小姐林淑敏仲話：“Terry結婚咁大件事，個個都唔準開工，要嚟飲喜宴！”佢哋戲里戲外都系好好嘅朋友。 
香港生活壓力大，做藝人并無想象中咁風光；其實李偉健為咗同老婆結婚，多年嚟嘅生活都好慳儉，好努力存錢！一日三餐基本只會用100蚊港紙，好少有乜物質生活享受！ 
Terry仲公開表示多謝老婆：多謝佢肯陪我捱窮，我窮咗咁多年，佢都一路陪喺我身邊，對我不離不棄！真系好感動～ 
李偉健與愛人長跑咗15年，真系唔簡單，咁難能可貴嘅愛情得嚟不易，祝福佢哋白頭到老！ 
希望李偉健以后會繼續畀我哋帶嚟更好嘅作品，演藝事業發展越嚟越好啦！加油！ 
Like MisshkNews Facebook！不出门也能知天下事～
